ಟ್ವಿಟರ್‌ನಿಂದ ಶೇ.75 ಸಿಬ್ಬಂದಿಯನ್ನು ತೆಗೆದುಹಾಕುವ ಪ್ಲ್ಯಾನ್ ?

ವಾಷಿಂಗ್ಟನ್‌: ಟ್ವಿಟರ್‌ ಖರೀದಿಸುವ ಪ್ರಕ್ರಿಯೆಯಲ್ಲಿರುವ ಟೆಸ್ಲಾ ಮುಖ್ಯಸ್ಥ ಎಲಾನ್‌ ಮಸ್ಕ್, ಮಕ್ರೋಬ್ಲಾಗಿಂಗ್‌ ಜಾಲತಾಣದ ಶೇ.75 ಸಿಬ್ಬಂದಿಯನ್ನು ಕೆಲಸದಿಂದ ತೆಗೆದುಹಾಕುವುದಕ್ಕೂ ಯೋಜನೆ ಮಾಡಿಕೊಂಡಿದ್ದಾರೆ ಎಂದು “ವಾಷಿಂಗ್ಟನ್‌ ಪೋಸ್ಟ್‌’ ವರದಿ ಮಾಡಿದೆ.

ಆರ್ಥಿಕ ಹಿಂಜರಿತದ ಹಿನ್ನೆಲೆ ನೇಮಕ ಪ್ರಕ್ರಿಯೆ ನಿಧಾನ ಮಾಡುವುದಕ್ಕೆ ಮಸ್ಕ್ ಗೆ ಜುಲೈನಲ್ಲೇ ಸೂಚಿಸಿದ್ದರು. ಇದೀಗ ಕನಿಷ್ಠ 7,500 ಸಿಬ್ಬಂದಿಯನ್ನು ತೆಗೆದುಹಾಕಲಿದ್ದಾರೆ ಎನ್ನಲಾಗಿದೆ. ಈಗಿನ್ನೂ ಮಸ್ಕ್ ಅಧಿಕಾರ ಹಸ್ತಾಂತರವಾಗಿಲ್ಲವಾದರೂ ಈಗಿರುವ ಆಡಳಿತವು ಶೇ.25 ಸಿಬ್ಬಂದಿಯನ್ನು ತೆಗೆಯುವ ಯೋಜನೆಯಲ್ಲಿದೆ.