ಮೇಘಾಲಯದಲ್ಲಿ ಶಂಕಿತ ಉಗ್ರರಿಂದ 11 ವ್ಯಾಪಾರಿಗಳ ಅಪಹರಣ

ತುರಾ : ಮೇಘಾಲಯದ ಸೌತ್‌ ಗ್ಯಾರೋ ಹಿಲ್ಸ್‌  ಜಿಲ್ಲೆಯ ಗಾಸುಪಾರಾದಲ್ಲಿ ಶಂಕಿತ ಉಗ್ರರು 11 ವ್ಯಾಪಾರಿಗಳನ್ನು ಅಪಹರಿಸಿದ್ದಾರೆ. ಈ ಪೈಕಿ 8 ಮಂದಿ ವ್ಯಾಪಾರಿಗಳು ಉಗ್ರರ ಕೈಯಿಂದ ತಪ್ಪಿಸಿಕೊಂಡು ಪಾರಾಗಿದ್ದಾರೆ.  

ಅಪಹರಣಕ್ಕೆ ಗುರಿಯಾದ ವ್ಯಾಪಾರಿಗಳಲ್ಲಿ ಹೆಚ್ಚಿನವರು ಅಸ್ಸಾಂನವರು ಮತ್ತು ಗಾಸುಪಾರಾದಲ್ಲಿ ವ್ಯಾಪಾರ ಕೈಗೊಳ್ಳಲು ಹೋಗುತ್ತಿದ್ದರು. ಇವರನ್ನು ಇಂದು ಬೆಳಗ್ಗೆ 6.30ರ ಸುಮಾರಿಗೆ ಉಗ್ರರು ದಾರಿಯಲ್ಲಿ ಅಡ್ಡಗಟ್ಟಿ ಅಪಹರಿಸಿದರು ಎಂದು ಪೊಲೀಸರು ತಿಳಿಸಿದ್ದಾರೆ. 

ಮೂವರು ವ್ಯಾಪಾರಿಗಳನ್ನು ಉಗ್ರರು ಬಂದೂಕು ತೋರಿಸಿ ಬೆದರಿಸಿ ಒಯ್ದಿದ್ದಾರೆ. ಇವರೆಲ್ಲರೂ ಪಶ್ಚಿಮ ಗ್ಯಾರೋಹಿಲ್ಸ್‌ನ ದಾಲೂ ಎಂಬ ಊರಿನವರು. ಇವರನ್ನು ತಮಲ್‌ ಡೇ 38, ದುಲಾನ್‌ಮಹಾಂತಾ 36 (ಇಬ್ಬರೂ ಕಿಲ್ಲಾಪಾರಾದವರು) ಮತ್ತು ದುರ್ಗಪಾದ ದತ್ತಾ 35 (ಚಾಯ್‌ಪಾನಿ) ಎಂದು ಗುರುತಿಸಲಾಗಿದೆ.