ಜೋಗಿಮಟ್ಟಿ ಅರಣ್ಯ ಪ್ರದೇಶದಲ್ಲಿ ಕಾಡಾನೆ ಸೆರೆ

ಚಿತ್ರದುರ್ಗ: ಕಳೆದೊಂದು ವಾರದಿಂದ ಜೋಗಿಮಟ್ಟಿ ಅರಣ್ಯ ಪ್ರದೇಶದಲ್ಲಿ ಬೀಡುಬಿಟ್ಟಿದ್ದ ಒಂಟಿ ಸಲಗವನ್ನು ಕಡೆಗೂ ಸೆರೆ ಹಿಡಿಯಲಾಗಿದೆ.

ದಸರಾ ಆನೆ ಅಭಿಮನ್ಯು ನೇತೃತ್ವದ ಐದು ಆನೆಗಳು ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದವು.

ಸಂಜೆ 4 ಗಂಟೆಗೆ ಪಶುವೈದ್ಯರು ಡಾಟಿಂಗ್ (ಅರವಳಿಕೆ) ನಡೆಸಿದರು. ನಂತರ ಪುನಶ್ಚೇತನ ಮದ್ದು ನೀಡಿ ಉಪಚರಿಸಿ ಆನೆ ಶಿಬಿರಕ್ಕೆ ಸ್ಥಳಾಂತರಿಸುವ ಕೆಲಸ ನಡೆಯುತ್ತಿದೆ.

ಬೆಳಗ್ಗೆ 8 ಗಂಟೆಗೆ ಆರಂಭವಾದ ಕಾರ್ಯಾಚರಣೆ ಸಂಜೆವರೆಗೆ ಸುಧೀರ್ಘವಾಗಿ ನಡೆಯಿತು.

ಬಳ್ಳಾರಿ ಸಿಸಿಎಫ್ ಲಿಂಗರಾಜ್, ಡಿಎಸಿಫ್ ಚಂದ್ರಶೇಖರ ನಾಯಕ ಸೇರಿದಂತೆ ವಾಚಾರ್ಸ್, ಟ್ರ್ಯಾಕರ್ಸ್ ಇತರರು ಭಾಗವಹಿಸಿದ್ದರು.