ಇಂದೋರ್‌: ಲೈನ್‌ಮ್ಯಾನ್‌ ಅಕ್ರಮ ಸಂಪತ್ತು, ಲೋಕಾ ದಾಳಿ

ಇಂದೋರ್‌ : ವಿದ್ಯುತ್ಛಕ್ತಿ ಇಲಾಖೆಯಲ್ಲಿ ಲೈನ್‌ಮ್ಯಾನ್‌ ಆಗಿರುವ ಧಾರ್‌ ಜಿಲ್ಲೆಯ ಮನಾವರ್‌ ಎಂಬಲ್ಲಿನ ನಿವಾಸಿ ಛಗನ್‌ಲಾಲ್‌ ರಾಠೊಡ್‌ ಎಂಬಾತನ ಎರಡು ನಿವಾಸಗಳಿಗೆ ಲೋಕಾಯುಕ್ತ ಪೊಲೀಸರು ದಾಳಿ ನಡೆಸಿ ಅಪಾರ ಪ್ರಮಾಣದ ಸಂಪತ್ತು ಸಂಗ್ರಹಿಸಿರುವುದನ್ನು ಪತ್ತೆ ಹಚ್ಚಿದರು. 

ಲೈನ್‌ ಮ್ಯಾನ್‌ ರಾಠೊಡ್‌ ಒಂದು ಆಧುನಿಕ ಮನೆ, 3 ಪ್ಲಾಟ್‌ಗಳು, 1.91 ಲಕ್ಷ ರೂ.ನಗದು ಮತ್ತು 120 ಗ್ರಾಂ ಚಿನ್ನ ಹೊಂದಿದ್ದ. ಮಾತ್ರವಲ್ಲದೆ ತನ್ನ ಹಾಗೂ ತನ್ನ ಸಂಬಂಧಿಕರ ಹೆಸರಲ್ಲಿ 15 ಬ್ಯಾಂಕ್‌ ಖಾತೆಗಳನ್ನು ಹೊಂದಿದ್ದಾನೆ. ಆತನ ಘೋಷಿತ ಆದಾಯಕ್ಕಿಂತ ಅಧಿಕ ಪ್ರಮಾಣದ ಆಸ್ತಿಪಾಸ್ತಿಯನ್ನು ಆತ ಹೊಂದಿರುವುದು ಪತ್ತೆಯಾಗಿದೆ ಎಂದು ಲೋಕಾಯುಕ್ತ ಪೊಲೀಸ್‌ ಇನ್ಸ್‌ಪೆಕ್ಟರ್‌ ಮಹೇಶ್‌ ಸುನೈಯಾ ತಿಳಿಸಿದ್ದಾರೆ.