Advertisement
ಸಚಿವರನ್ನು ಕಾದುನಿಂತಿದ್ದ ಎಸಿಎಂಸಿ ಪದಾಧಿಕಾರಿಗಳ, ಶಿಕ್ಷಕರ ಕೋರಿಕೆ ಮೇರೆಗೆ ಪ್ರೌಢಶಾಲೆಗೆ ಭೇಟಿ ಇತ್ತ ಸಚಿವರು ಶಾಲೆಯ ಕಟ್ಟಡ, ಪರಿಸರವನ್ನು ಗಮನಿಸಿದರು. ಗೋಡೆಗೆ ಅಳವಡಿಸಿದ್ದ ಶಾಲಾ ಕಟ್ಟಡ ಉದ್ಘಾಟನೆ ಫಲಕ ವೀಕ್ಷಿಸಿದರು. ನಂತರ ಹತ್ತನೆ ತರಗತಿಗೆ ಪ್ರವೇಶಿಸಿ ಮಾನೀಟರ್‌ ಯಾರು? ಎಂದು ವಿಚಾರಿಸಿ, ಆ ವಿದ್ಯಾರ್ಥಿಯಿಂದ ಆತ ನಿರ್ವಹಿಸಬೇಕಾದ ಕೆಲಸಗಳ ಕುರಿತು ವಿಚಾರಿಸಿದರು. ಕೆಲವು ವಿದ್ಯಾರ್ಥಿ, ವಿದ್ಯಾರ್ಥಿನಿಯರನ್ನು ಯಾವ ಊರಿನಿಂದ? ಎಷ್ಟು ದೂರದಿಂದ ಶಾಲೆಗೆ ಬರುತ್ತಿರುವುದು ಎಂದು ವಿಚಾರಿಸಿದರು. ನೀವು ಮುಂದೆ ಏನಾಗಬೇಕೆಂದು ನಿರ್ಧರಿಸಿದ್ದೀರಾ? ಎಂದು ವಿದ್ಯಾರ್ಥಿನಿಯರನ್ನು ಪ್ರಶ್ನಿಸಿದಾಗ ಕೆಲವರು ಇಂಜೀನಿಯರ್‌ ಆಗುತ್ತೇವೆ ಎಂದರು.
Related Articles
Advertisement
ರಾಮಕೃಷ್ಣ ಹೆಗಡೆ ಯಾರು? ಎಂದು ಮರುಪ್ರಶ್ನಿಸಿದಾಗ ರಾಜ್ಯದ ಮುಖ್ಯಮಂತ್ರಿಯಾಗಿದ್ದರು ಎಂದು ವಿದ್ಯಾರ್ಥಿಗಳು ಉತ್ತರಿಸಿದರು. ಆಗ ಸುರೇಶಕುಮಾರ ಅಂಥ ಪುಣ್ಯಾತ್ಮ ಈ ಶಾಲೆಯನ್ನು ಉದ್ಘಾಟಿಸಿದ್ದು ಎನ್ನುವ ಹೆಮ್ಮೆ ನಿಮ್ಮೆಲ್ಲರಲ್ಲಿ ಇರಬೇಕು. ರಾಮಕೃಷ್ಣ ಹೆಗಡೆ ನಮ್ಮ ರಾಜ್ಯದ ಅತ್ಯುತ್ತಮ ಮುಖ್ಯಮಂತ್ರಿ ಗಳಲ್ಲೊಬ್ಬರು. ಅಂಥ ಮಹಾನುಭಾವರು ಉದ್ಘಾಟಿಸಿದ ಶಾಲೆಯಲ್ಲಿ ನೀವು ಅಭ್ಯಾಸ ಮಾಡುತ್ತಿದ್ದೀರಿ. ಮುಂದೆ ಆ ದೊಡ್ಡವ್ಯಕ್ತಿಯ ಥರವೇ ನೀವು ಆಗಬೇಕು. ಆ ಮೂಲಕ ನೀವು ಕಲಿತ ಶಾಲೆಗೆ ಹೆಸರು ತರಬೇಕು ಎಂದು ಭಾವುಕರಾಗಿ ವಿದ್ಯಾರ್ಥಿಗಳನ್ನು ಹುರಿದುಂಬಿಸಿದರು.
ನಂತರ ಪಾಠ, ಪ್ರವಚನದ ಬಗ್ಗೆ ಸಾಕಷ್ಟು ವಿವರಗಳನ್ನು ಪಡೆದರು. ಉಳಿದ ತರಗತಿಗಳನ್ನು ಪರಿಶೀಲಿಸಿದರು. ಶಾಲಾಡಳಿತ ಮಂಡಳಿ ಅಧ್ಯಕ್ಷ ಎನ್‌. ಆರ್‌. ಭಟ್ಟ ಧರೆ, ಜಿಪಂ ಸದಸ್ಯ ಎಂ.ಜಿ. ಹೆಗಡೆ ಗೆಜ್ಜೆ, ಡಿಡಿಪಿಐ ದಿವಾಕರ ಶೆಟ್ಟಿ, ಪ್ರಭಾರಿ ಬಿಇಒ ಜಿ.ಐ. ನಾಯ್ಕ ಸೇರಿದಂತೆ ಇದ್ದರು.