ಬಸವನಬಾಗೇವಾಡಿ ತಾಲೂಕಿನಲ್ಲಿ ಲಘು ಭೂಕಂಪ: ಮನೆಗಳಿಂದ ಹೊರ ಓಡಿದ ಜನರು

ವಿಜಯಪುರ: ಜಿಲ್ಲೆಯಲ್ಲಿ ಬುಧವಾರ ಮಧ್ಯ ರಾತ್ರಿ ಕೆಲವು ಗ್ರಾಮಗಳಲ್ಲಿ ಭೂಕಂಪದ ಸಂಭವಿಸಿದ ಅನುಭವವಾದ ಬಗ್ಗೆ ವರದಿಯಾಗಿದೆ.

ಬಸವನಬಾಗೇವಾಡಿ ತಾಲೂಕಿನ ಮನಗೂಳಿ ಹಾಗೂ ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ಕೆಲ ಕ್ಷಣಗಳ‌ ಕಾಲ ಭೂಮಿ‌ ಕಂಪಿಸಿ ಭೂಕಂಪಕನ ಅನುಭವ ಆಗಿದೆ. ಭೂಮಿ ಕಂಪಿಸುತ್ತಲೇ ಮನೆಗಳಲ್ಲಿ ಮೇಲಿದ್ದ ಪಾತ್ರೆ, ಇತರೆ ವಸ್ತುಗಳು ಕೆಳಗೆ ಬಿದ್ದಿದ್ದು, ಮನೆಗಳಲ್ಲಿ ಮಲಗಿದ್ದವರು ಭಯಗೊಂಡು ಮನೆಗಳಿಂದ ಹೊರ ಓಡಿ ಬಂದಿದ್ದಾರೆ.

ಇದನ್ನೂ ಓದಿ: ಲಾರಿಗಳ ಮುಖಾಮುಖಿ ಢಿಕ್ಕಿ ಒರ್ವ ಸಾವು: ಲಾರಿಗಳು ನಜ್ಜುಗಜ್ಜು

ರಾತ್ರಿ 11:30 ರ ಸುಮಾರಿಗೆ ಭೂಮಿ‌ ಕಂಪಿಸಿದ ಅನುಭವ ಆಗಿದ್ದು, ಈ ಭಾಗದ ಹಲವು ಹಳ್ಳಿಗಳಲ್ಲೂ ಇದೇ ಅನುಭವ ಆಗಿದೆ. ಕಾರಣ ಜನರು ಮನೆಯಿಂದ ಹೊರ ಬಂದು ಇಡೀ ರಾತ್ರಿ ಜಾಗರಣೆ ಮಾಡಿದ್ದಾರೆ ಎಂದು ಮನಗೂಳಿ ಗ್ರಾಮದ ಜನರು ಮಾಹಿತಿ ನೀಡಿದ್ದಾರೆ.