ಎ. 20ರಿಂದ ಇ-ಕಾಮರ್ಸ್‌ ಚುರುಕು

ಹೊಸದಿಲ್ಲಿ: ಫ್ರಿಡ್ಜ್ ಹಳೆಯದಾಯಿತು, ಹೊಸತು ಖರೀದಿ ಮಾಡಬೇಕು, ಹೊಸ ಮಾದರಿಯ ಮೊಬೈಲ್‌ ಬೇಕು ಎನ್ನುವವರಿಗೆ ಸಂತೋಷದ ಸುದ್ದಿ ಇಲ್ಲಿದೆ. ಎ.20ರಿಂದ ಎಲ್ಲ ಇ-ಕಾಮರ್ಸ್‌ ವೆಬ್‌ಸೈಟ್‌ಗಳಲ್ಲಿ ಮೊಬೈಲ್‌ ಫೋನ್‌, ಟಿವಿ, ಫ್ರಿಡ್ಜ್, ಸ್ಟೇಷನರಿ ವಸ್ತುಗಳು, ಲ್ಯಾಪ್‌ಟಾಪ್‌ಗ್ಳನ್ನು ಖರೀದಿಸಲು ಅವಕಾಶ ಇದೆ.

ಹೀಗಾಗಿ ಫ್ಲಿಪ್‌ಕಾರ್ಟ್‌, ಅಮೆಜಾನ್‌ ಇಂಡಿಯಾ ಮತ್ತು ಇತರ ವೆಬ್‌ಸೈಟ್‌ಗಳ ಮೂಲಕ ಮತ್ತೆ ವಹಿವಾಟು ಆರಂಭವಾಗಲಿದೆ. ಈ ಬಗ್ಗೆ ಗುರುವಾರ ಕೇಂದ್ರ ಗೃಹ ಸಚಿವಾಲಯದ ಹಿರಿಯ ಅಧಿಕಾರಿಗಳು ವಿವರಣೆ ನೀಡಿದ್ದು, ಇಂಥ ವಸ್ತುಗಳನ್ನು ಮನೆಯ ವರೆಗೆ ತಲುಪಿಸುವ ವಾಹನಗಳು ಪರವಾನಿಗೆ ಪಡೆದಿರಬೇಕಾಗುತ್ತದೆ ಎಂದಿದ್ದಾರೆ. ಮಾ. 25ರಿಂದ ನಿಂತ ನೀರಾಗಿರುವ ವಾಣಿಜ್ಯಿಕ ವಹಿವಾಟಿಗೆ ಕೊಂಚ ಉತ್ತೇಜನ ನೀಡುವ ಪ್ರಯತ್ನ ಇದಾಗಿದೆ.