ಬಾಂಗ್ಲಾದಲ್ಲಿ ವಿಶ್ವದ  ಅತೀ ಕುಬ್ಜ ಕರು ಜನನ

ಢಾಕಾ: ವಿಶ್ವದ ಅತ್ಯಂತ ಕುಬಗಜ ಕರುವೊಂದು ಬಾಂಗ್ಲಾ ದೇಶದ ರಾಜಧಾನಿ ಢಾಕಾ ಹತ್ತಿರವಿರುವ ಚರಿಗ್ರಾಮ್‌ ಎಂಬ ಪುಟ್ಟ ಹಳ್ಳಿಯಲ್ಲಿ ಜನಿಸಿದೆ.

ಕೇವಲ 26 ಇಂಚು (66 ಸೆಂ.ಮೀ.) ಎತ್ತರ, 26 ಕೆಜಿ ತೂಕವಿರುವ ಇದಕ್ಕೆ ರಾಣಿ ಎಂದು ಹೆಸರಿಡಲಾಗಿದೆ.  ಈ ಬಗ್ಗೆ ಪ್ರತಿಕ್ರಿಯಿಸಿರುವ ಈ ಕರುವಿನ ಮಾಲಕರಾದ ರೀನಾ ಬೇಗಂ, ಈಗಾಗಲೇ ವಿಶ್ವದ ಅತಿ ಕುಬj ಕರುವೆಂದು ಗಿನ್ನೆಸ್‌ ದಾಖಲೆಗೆ ಸೇರಿರುವ ಕರುವಿಗಿಂತ ನಮ್ಮ ಕರು 10 ಸೆಂ.ಮೀ. ಗಿಡ್ಡವಾಗಿದೆ. ಹಾಗಾಗಿ, ಇದಕ್ಕೆ ಗಿನ್ನೆಸ್‌ ದಾಖಲೆ ಪಟ್ಟ ಸಿಗಬಹುದೆಂಬ ನಿರೀಕ್ಷೆಯಲ್ಲಿ ಇದ್ದೇನೆ” ಎಂದಿದ್ದಾರೆ.

ಸ್ಟಾರ್‌ ಆದ “ರಾಣಿ’: ಕರುವಿನ ವಿಷಯ ಬಾಂಗ್ಲಾದ ಸುದ್ದಿ ಮಾಧ್ಯಮಗಳಲ್ಲಿ ಬಿತ್ತರಗೊಂಡ “ರಾಣಿ’ ರಾತೋರಾತ್ರಿ ಸ್ಟಾರ್‌ ಆಗಿಬಿಟ್ಟಿದ್ದಾಳೆ! ಇದನ್ನು ನೋಡಲು ಸಾಗರೋ ಪಾದಿಯಲ್ಲಿ ಜನರು ಆಗಮಿಸುತ್ತಿದ್ದಾರೆ. ಢಾಕಾದಲ್ಲಿ ಕೊರೊನಾ ಹಿನ್ನೆಲೆಯಲ್ಲಿ ಸಾರಿಗೆ ವ್ಯವಸ್ಥೆ ನಿಲ್ಲಿಸಿದ್ದರೂ, ಜನರು  ವಾಹನಗಳಲ್ಲಿ ಆಗಮಿಸುತ್ತಿದ್ದಾರೆ.