ಡಿವಿ ಸದಾನಂದ ಗೌಡರ ಮನೆಯಲ್ಲಿ ಸಂಭ್ರಮ

ಮಂಡೆಕೋಲು: ಸುಳ್ಯ ತಾಲೂಕಿನ ಮಂಡೆಕೋಲು ಗ್ರಾಮದ ದೇವರಗುಂಡ ಮೂಲದ ಸದಾನಂದ ಗೌಡರು ದ್ವಿತೀಯ ಬಾರಿಗೆ ಕೇಂದ್ರ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ ಕ್ಷಣ ಅವರ ಮೂಲ ಮನೆಯಲ್ಲಿ ಸಂಭ್ರಮದ ವಾತಾವರಣ ಮೂಡಿತು.

ಸದಾನಂದ ಗೌಡ ಅವರ ಸಹೋದರ ದಿ| ಭಾಸ್ಕರ ಗೌಡ ಅವರ ಪತ್ನಿ ವೀಣಾ, ಪುತ್ರ ಮತ್ತು ಸೊಸೆ ಈ ಮನೆಯಲ್ಲಿ ವಾಸವಾಗಿದ್ದಾರೆ. ಡಿವಿಎಸ್‌ ಅವರು ಸಚಿವರಾಗುವ ನಿರೀಕ್ಷೆ ಇದ್ದ ಕಾರಣ ಅವರ ಕುಟುಂಬಸ್ಥರು ದೇವರಗುಂಡ ಮನೆಗೆ ಆಗಮಿಸಿ ಟಿವಿ ಮೂಲಕ ಪ್ರಮಾಣ ವಚನ ಸ್ವೀಕಾರ ಕಾರ್ಯಕ್ರಮ ವೀಕ್ಷಿಸಿದರು. ಬಳಿಕ ಸಿಹಿ ಹಂಚಿ ಸಂಭ್ರಮಿಸಿದರು.