Dubai: ನಹ್ಯಾನ್‌ ಪರಿವಾರ ವಿಶ್ವದ ಶ್ರೀಮಂತ ರಾಜವಂಶ- ಈ ಕುಟುಂಬದ ಬಳಿ ಇದೆ 700 ಕಾರುಗಳು !

ಹೊಸದಿಲ್ಲಿ: ಜಗತ್ತಿನ ಶ್ರೀಮಂತ ರಾಜವಂಶ ಯಾವುದು ಗೊತ್ತಾ? ದುಬಾೖಯ ಅಲ್‌ ನಹ್ಯಾನ್‌ರದ್ದು…

ಹೀಗೆಂದು ಜಿಖ್ಯೂ ವರದಿಯಲ್ಲಿ ಹೇಳಲಾಗಿದೆ. ಈ ಕುಟುಂಬ 4078 ಕೋಟಿ ರೂ. ಮೌಲ್ಯದ ಅರಮನೆ(ಮೂರು ಪೆಂಟಗನ್‌ನಷ್ಟು ಗಾತ್ರ) ಹೊಂದಿದೆ. ಎಂಟು ಖಾಸಗಿ ಜೆಟ್‌ ವಿಮಾನಗಳು, ಒಂದು ಜನಪ್ರಿಯ ಫ‌ುಟ್ಬಾಲ್‌ ಕ್ಲಬ್‌ ಕೂಡ ಇದರ ಆಸ್ತಿಯಲ್ಲಿ ಸೇರುತ್ತದೆ. ಯುಎಇ ಅಧ್ಯಕ್ಷ ಶೇಖ್‌ ಮೊಹಮ್ಮದ್‌ ಬಿನ್‌ ಝಯೇದ್‌ ಅಲ್‌ ನಹ್ಯಾನ್‌ ಸದ್ಯ ಈ ಕುಟುಂಬದ ಮುಖ್ಯಸ್ಥ.

ಅವರಿಗೆ 18 ಸಹೋದರರು, 11 ಸಹೋದರಿಯರು ಇದ್ದಾರೆ. ಝಾ ಯೆದ್‌ಗೆ 9 ಮಕ್ಕಳು, 18 ಮೊಮ್ಮಕ್ಕಳಿದ್ದಾರೆ. ವಿಶ್ವದ ಒಟ್ಟು ತೈಲಸಂಗ್ರಹದಲ್ಲಿ ಈ ಕುಟುಂಬದ ಪಾಲೇ ಶೇ.6ರಷ್ಟಿದೆ. ಮ್ಯಾಂಚೆಸ್ಟರ್‌ ಫ‌ುಟ್ಬಾಲ್‌ ಕ್ಲಬ್‌ನಲ್ಲಿ ಷೇರುಗಳಿವೆ. ಜಗತ್ತಿನ ಪ್ರಖ್ಯಾತ ಕಂಪೆನಿಗಳಲ್ಲಿ ಈ ಕುಟುಂಬಸ್ಥರ ಷೇರುಗಳಿವೆ. ಗಾಯಕಿ ರಿಹಾನ್ನಾರ ಸೌಂದರ್ಯ ಸಾಧನ ಕಂಪೆನಿ ಫೆಂಟಿಯಿಂದ ಹಿಡಿದು ಎಲಾನ್‌ ಮಸ್ಕ್ ಒಡೆತನದ ಎಕ್ಸ್‌ ಸಾಮಾಜಿಕ ತಾಣಗಳವರೆಗೆ ಈ ಕುಟುಂಬ ಆವರಿಸಿಕೊಂಡಿದೆ.  ಇನ್ನು ಮೊಹಮ್ಮದ್‌ ಬಿನ್‌ ಝಯೇದ್‌ ಕಿರಿಯ ಸಹೋದರ ಶೇಖ್‌ ಹಮದ್‌ ಬಿನ್‌ ಹಮ್ದಾನ್‌ ಅಲ್‌ ನಹ್ಯಾನ್‌ 700ಕ್ಕೂ ಅಧಿಕ ಕಾರುಗಳನ್ನು ಹೊಂದಿದ್ದಾರೆ.