ಕ್ಯಾನ್ಸರ್‌ನಿಂದ ಬಳಲುತ್ತಿರುವ ಬಾಲಕನ ಆಸೆ ಈಡೇರಿಸಿದ ದುಬೈ ರಾಜಕುಮಾರ

ದುಬೈ: ಕ್ಯಾನ್ಸರ್‌ನಿಂದ ಬಳಲುತ್ತಿರುವ ಭಾರತ ಮೂಲದ 7 ವರ್ಷದ ಬಾಲಕನ ಆಸೆಯಂತೆ, ಆತನನ್ನು ಭೇಟಿಯಾಗಿ, ಅವನೊಂದಿಗೆ ಕೊಂಚ ಸಮಯ ಕಳೆಯುವ ಜತೆಗೆ ಫೋಟೋ ಕ್ಲಿಕ್ಕಿಸಿಕೊಂಡ ದುಬೈ ರಾಜಕುಮಾರ ಶೇಖ್‌ ಹಮಾªನ್‌, ಆ ಬಾಲಕನೊಂದಿಗೆ ತೆಗೆಸಿಕೊಂಡ ಭಾವಚಿತ್ರವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.

ದುಬೈ ರಾಜಕುಮಾರ ಇಷ್ಟೊಂದು ಹೃದಯಸ್ಪರ್ಶಿ ಆತಿಥ್ಯ ನೀಡಲು ಕಾರಣ ಆ ಬಾಲಕ ವಿಡಿಯೋ ಮೂಲಕ ಮಾಡಿಕೊಂಡ ಒಂದೇ ಒಂದು ಮನವಿ. ಹೈದರಾಬಾದ್‌ ಮೂಲದ, ಪ್ರಸ್ತುತ ದುಬೈನಲ್ಲಿ ವಾಸವಿರುವ 7 ವರ್ಷ ಹರೆಯದ ಅಬ್ದುಲ್ಲಾ ಹುಸೈನ್‌, ಮೂರನೇ ಹಂತದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದಾನೆ. ಈತ ರಾಜಕುಮಾರ ಶೇಖ್‌ ಹಮಾªನ್‌ರ ದೊಡ್ಡ ಅಭಿಮಾನಿ. ಹಾಗೇ ಒಮ್ಮೆ ತನ್ನ ನೆಚ್ಚಿನ ರಾಜಕುಮಾರನನ್ನು ಭೇಟಿ ಮಾಡಿ, ಅವರೊಂದಿಗೆ ಆಪ್ತವಾಗಿ ಸಮಯ ಕಳೆಯಬೇಕೆಂಬುದು ಆತನ ಕನಸಾಗಿತ್ತು.

ಅದರಂತೆ, “ಶೇಖ್‌ ಹಮಾªನ್‌, ನಾನು ನಿಮ್ಮ ಫ್ಯಾನ್‌. ನಾನು ನಿಮ್ಮನ್ನು ಭೇಟಿಯಾಗಬೇಕು’ ಎಂದು ಬರೆದ ಬ್ಯಾನರ್‌ ಹಿಡಿದುಕೊಂಡು ವಿಡಿಯೋ ಮಾಡಿದ ಅಬ್ದುಲ್ಲಾ, “ಶೇಖ್‌ ಹಮಾªನ್‌ ತುಂಬಾ ಕೂಲ್‌, ಸಾಹಸಿ ಮತ್ತು ದಯಾಳು. ನಾನು ಅವರನ್ನು, ಅವರ ಸಾಕು ಪ್ರಾಣಿಗಳನ್ನು ಭೇಟಿ ಮಾಡಬೇಕು. ಅವರು ಧರಿಸುವ ಉಡುಪುಗಳನ್ನು ಒಮ್ಮೆ ನೋಡಬೇಕು’ ಎಂದು ಹೇಳಿಕೊಂಡಿದ್ದ.

ಅಬ್ದುಲ್ಲಾ ಮತ್ತು ಶೇಖ್‌ ಹಮಾªನ್‌ ಒಟ್ಟಿಗಿರುವ ಚಿತ್ರ ಇನ್‌ಸ್ಟಾದಲ್ಲಿ ವೈರಲ್‌ ಆಗಿದೆ. ಭೇಟಿ ವೇಳೆ ರಾಜಕುಮಾರನ ಜತೆ 15 ನಿಮಿಷ ಮಾತುಕತೆ ನಡೆಸಿದ ಬಾಲಕ ಮತ್ತು ಕುಟುಂಬ ಸದಸ್ಯರು, ಬಳಿಕ ರಾಜಕುಮಾರನ ಸಾಕುಪ್ರಾಣಿಗಳ ಜತೆ ಒಂದು ತಾಸು ಕಾಲ ಕಳೆದರು.