ದುರ್ಗಾ ದೇವಿ ಬಗ್ಗೆ ದಿಲ್ಲಿ ವಿವಿ ಪ್ರಾಧ್ಯಾಪಕನ ಕೀಳು ಪೋಸ್ಟ್‌

ಹೊಸದಿಲ್ಲಿ : ದೆಹಲಿ ವಿಶ್ವವಿದ್ಯಾಲಯದ ಸಹಾಯಕ ಪ್ರಾಧ್ಯಾಪಕನೊಬ್ಬ ಹಿಂದೂ ದೇವತೆ ದುರ್ಗಾ ದೇವಿಯ ಕುರಿತು ಫೇಸ್‌ಬುಕ್‌ನಲ್ಲಿ  ಕೀಳು ಭಾಷೆಯ ಪೋಸ್ಟ್‌ ಮಾಡಿದ್ದು ಈ ಬಗ್ಗೆ ಪ್ರಕರಣ ದಾಖಲಾಗಿದೆ. 

ಕೆದಾರ್‌ ಕುಮಾರ್‌ ಮಂಡಲ್‌ ಎಂಬ ಪ್ರಾಧ್ಯಾಪಕ ಫೇಸ್‌ಬುಕ್‌ನಲ್ಲಿ ‘ಭಾರತದ ಪುರಾಣದಲ್ಲಿ ಬರುವ ಅತ್ಯಂತ ಸೆಕ್ಸಿ ವೇಶ್ಯೆ’ ಎಂದು ಕೀಳಾಗಿ ಬರೆದು ಹಿಂದುಗಳ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದು ವಿವಾದ ಎಬ್ಬಿಸಿದ್ದ.

ಈ ಬಗ್ಗೆ ಬಿಜೆಪಿ ಪರವಿರುವ ಪ್ರಾಧ್ಯಾಪಕರ ಸಂಘಟನೆಯಾದ ಎನ್‌ಡಿಟಿಎಫ್ ಲೋಧಿ ಕಾಲೋನಿ ಪೊಲೀಸ್‌ ಠಾಣೆಯಲ್ಲಿ  ದೂರು ದಾಖಲಿಸಿದೆ. 

ಎಬಿವಿಪಿ ಮತ್ತು ಎನ್‌ಎಸ್‌ಯುಐ ಸಂಘಟನೆಗಳು ಪ್ರಾಧ್ಯಾಪಕನನ್ನು ತಕ್ಷಣ ಅಮಾನತು ಮಾಡಲು ಆಗ್ರಹಿಸಿ,ಪ್ರಾಧ್ಯಾಪಕ ತರಗತಿಗಳಿಗೆ ಹಾಜರಾಗಿದ್ದೇ ಆದಲ್ಲಿ ಪ್ರತಿಭಟನೆ ನಡೆಸಲು ಮುಂದಾಗಿವೆ.