ಹೊಸಬರ ಧೈರ್ಯಂ ಸರ್ವತ್ರ ಸಾಧನಂ

ಧೈರ್ಯಂ ಸರ್ವತ್ರ ಸಾಧನಂ’- ಹೀಗೊಂದು ಸಿನಿಮಾದ ಸ್ಕ್ರಿಪ್ಟ್ ಪೂಜೆ ಇತ್ತೀಚೆಗೆ ನಡೆದಿದೆ. ವಿಭಿನ್ನವಾದ ಪೋಸ್ಟರ್‌ನಲ್ಲಿ ಮಾಡಿದ್ದು, ಹರಿದ ದಿನಪತ್ರಿಕೆ, ಹಂದಿ, ಬಂದೂಕು ಹಿಡಿದು ಪ್ರಾಣಿ ಮೇಲೆ ಗುರಿ ಇಟ್ಟಿರುವ ವ್ಯಕ್ತಿ ಇರುವ ಈ ಪೋಸ್ಟರ್‌ ಚಿತ್ರದ ಕಥಾಹಂದರಕ್ಕೆ ಪೂರಕವಾಗಿದೆ ಯಂತೆ.

ಚಿತ್ರಕ್ಕೆ “ಜಾಯಿನ್‌ ದಿ ಅಡ್ವಂಚೆರ್‌’ ಎಂಬ ಅಡಿಬರಹವಿದೆ. ಸಂಭಾಷಣೆಗಾರ ಎ.ಆರ್‌.ಸಾಯಿರಾಂ ಈ ಚಿತ್ರದ ನಿರ್ದೇಶಕರು. ಎ.ಪಿ.ಪ್ರೊಡಕ್ಷನ್ ಬ್ಯಾನರ್‌ ಅಡಿಯಲ್ಲಿ ಆನಂದ್‌ ಬಾಬು.ಜಿ ನಿರ್ಮಾಣ ಮಾಡುತ್ತಿದ್ದಾರೆ.

ಶಿವಮೊಗ್ಗ,ಶಿರಸಿ,ಸುರಪುರ, ತುಮಕೂರು ಮತ್ತು ದೇವರಾಯನ ದುರ್ಗದಲ್ಲಿ ಚಿತ್ರೀಕರಣ ನಡೆಸಲು ಯೋಜನೆ ರೂಪಿಸಲಾಗಿದೆ. ತಾರಾ ಬಳಗದ ಆಯ್ಕೆ ಇನ್ನಷ್ಟೇ ನಡೆಯಬೇಕಿದೆ.