ಈ ರಾಜ್ಯದಲ್ಲಿ ಇನ್ನು ಮುಂದೆ ಟ್ರಾಫಿಕ್‌ ನಿಯಮ ಉಲ್ಲಂಘಿಸಿದ್ರೆ ರಕ್ತದಾನ ಶಿಕ್ಷೆ

ಚಂಡೀಗಢ: ಟ್ರಾಫಿಕ್‌ ನಿಯಮಗಳನ್ನು ಉಲ್ಲಂಘಿಸಿದರೆ ಪೊಲೀಸರು ದಂಡ ವಿಧಿಸುತ್ತಾರೆ. ಆದರೆ ಪಂಜಾಬ್‌ನಲ್ಲಿ ಇನ್ನುಮುಂದೆ ನಿಯಮ ಉಲ್ಲಂಘಿಸುವವರು ದಂಡ ತೆರುವ ಜತೆಯಲ್ಲಿ ಸಮಾಜ ಸೇವೆಯನ್ನೂ ಮಾಡಬೇಕು. ಅತಿ ವೇಗವಾಗಿ ಚಲಿಸುವವರು, ಮದ್ಯಪಾನ ಮಾಡಿ ವಾಹನ ಚಲಾಯಿಸುವವರು ಸ್ಥಳೀಯ ಆಸ್ಪತ್ರೆಯಲ್ಲಿ ಕನಿಷ್ಠ 2 ಗಂಟೆಗಳ ಕಾಲ ಸೇವೆ ಮಾಡಬೇಕು ಅಥವಾ ರಕ್ತದಾನ ಮಾಡಬೇಕು.

ಹಾಗೆಯೇ ಸಾರಿಗೆ ಅಧಿಕಾರಿಗಳು 9ರಿಂದ 12ನೇ ತರಗತಿ ವಿದ್ಯಾರ್ಥಿಗಳಿಗೆ ನಡೆಸುವ ರಿಫ್ರೆಶರ್‌ ಕೋರ್ಸ್‌ನ್ನೂ ಇವರೇ ನಡೆಸಿಕೊಡಬೇಕು. ಕನಿಷ್ಠ 2 ಗಂಟೆಗಳ ಕಾಲ 20 ವಿದ್ಯಾರ್ಥಿಗಳಿಗೆ ಕೋರ್ಸ್‌ ಮಾಡಿಸಿದ ನಂತರ ಅವರಿಗೆ ಪ್ರಮಾಣ ಪತ್ರ ಕೊಡಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.