Advertisement
ದ.ಕ. ಜಿಲ್ಲಾ ಬಿಜೆಪಿ ಕಚೇರಿಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಸೋಮವಾರ ಮಾತನಾಡಿದ ಅವರು, 160 ಕೋಟಿ ರೂ. ವೆಚ್ಚದಲ್ಲಿ ಎಡಿಬಿ ಒಂದನೇ ಹಂತದ ಯೋಜನೆ ನಡೆದಿದೆ. ಯೋಜನೆ ಪ್ರಕಾರ 2023ರ ವರೆಗೆ ನಗರಕ್ಕೆ 24×7 ನೀರು ಕಲ್ಪಿಸಬಹುದಿತ್ತು. ಆದರೆ ತುಂಬೆಯಲ್ಲಿ ಶುದ್ಧೀಕರಣ ಘಟಕ, ನೀರಿನ ಟ್ಯಾಂಕ್‌, ಗುಣಮಟ್ಟದ ಪೈಪ್‌ ಅಳವಡಿಸುವಲ್ಲಿ ಸಂಪೂರ್ಣ ವಿಫಲವಾಗಿರುವುದರಿಂದಲೇ ಪ್ರಸ್ತುತ ನೀರಿಗಾಗಿ ಹಾಹಾಕಾರ ಉಂಟಾಗಿದೆ ಎಂದರು.
ದ.ಕ. ಜಿಲ್ಲಾ ಉಸ್ತುವಾರಿ ಸಚಿವರು ತುಂಬೆ ವೆಂಟೆಡ್‌ ಡ್ಯಾಂ ಪರಿಶೀಲನೆಗೆ ತೆರಳುವಾಗ ಶಾಸಕರನ್ನು ಕರೆದುಕೊಂಡು ಹೋಗಬೇಕಿತ್ತು. ಆದರೆ ಶಾಸಕರನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳದೆ, ಯಾವುದೇ ಮಾಹಿತಿ ನೀಡದೆ ತೆರಳಿರುವುದು ಸರಿಯಲ್ಲ ಎಂದು ಇದೇ ವೇಳೆ ಅವರು ತಿಳಿಸಿದರು.
Related Articles
Advertisement
ಪರಿಹಾರ ನೀಡಲು ಸಿಎಂಗೆ ಬೇಡಿಕೆತುಂಬೆ ವೆಂಟೆಡ್‌ ಡ್ಯಾಂನಲ್ಲಿ 7 ಮೀಟರ್‌ನಷ್ಟು ನೀರು ನಿಲ್ಲಬೇಕಾದರೆ ಹಲವರ ಜಾಗ ಮುಳುಗಡೆಯಾಗಿದೆ. ಜಾಗ ಕಳೆದುಕೊಂಡವರಿಗೆ 115-120 ಕೋಟಿ ರೂ. ಪರಿಹಾರ ನೀಡಬೇಕು. ಆದರೆ ಅಂದು ರಾಜ್ಯದಲ್ಲಿ, ಪಾಲಿಕೆಯಲ್ಲಿ ಕಾಂಗ್ರೆಸ್‌ ಆಡಳಿತ ಇದ್ದರೂ ಇಲ್ಲಿನ ಎಲ್ಲ ಶಾಸಕರು ಕಾಂಗ್ರೆಸ್‌ನವರಾದರೂ ಆಗ ಅವರಿಗೆ ಪರಿಹಾರ ತರಿಸಲು ಸಾಧ್ಯವಾಗಲಿಲ್ಲ ಎಂದು ಆಪಾದಿಸಿದ ವೇದವ್ಯಾಸ ಕಾಮತ್‌, ಈಗಿನ ದೋಸ್ತಿ ಸರಕಾರದಲ್ಲಿಯೂ ಈ ಬಗ್ಗೆ ಯಾರೊಬ್ಬರು ಮಾತನಾಡುತ್ತಿಲ್ಲ. ಆದರೆ ಪರಿಹಾರ ಕೊಡಿಸುವ ನಿಟ್ಟಿನಲ್ಲಿ ಈಗಾಗಲೇ ತಾನು ಎರಡು ಬಾರಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರಿಗೆ ಬೇಡಿಕೆ ಇಟ್ಟಿದ್ದೇನೆ ಎಂದರು. ಮೇಲ್ವಿಚಾರಣೆ ಸಮಿತಿ ರಚಿಸಲಾಗುವುದು
451 ಕೋಟಿ ರೂ. ವೆಚ್ಚದ ಎರಡನೇ ಹಂತದ ಎಡಿಬಿ ಯೋಜನೆಯು ಟೆಂಡರ್‌ ಪ್ರಕ್ರಿಯೆಯಲ್ಲಿದೆ. ಕೇಂದ್ರದ ಅಮೃತ ಯೋಜನೆಯಲ್ಲಿ 35.51 ಕೋಟಿ ರೂ. ಬಿಡುಗಡೆಯಾಗಿದೆ. ಈ ಯೋಜನೆಯಲ್ಲಿ ಯಾವುದೇ ವೈಫಲ್ಯವಾಗದಂತೆ ಮೇಲ್ವಿಚಾರಣೆ ಸಮಿತಿ ರಚಿಸಲಾಗುವುದು ಎಂದು ಶಾಸಕರು ವಿವರಿಸಿದರು.