US; ಶ್ವೇತಭವನದಲ್ಲಿ ಡ್ರಮ್ಸ್‌  ನುಡಿಸಿದ ಮಂಡ್ಯ ಮೂಲದ ಡಾ| ವಿವೇಕ್‌

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷರ ನಿವಾಸ ಶ್ವೇತಭವನದಲ್ಲಿ ಏಷ್ಯನ್‌ ಅಮೆರಿಕನ್‌, ನೇಟಿವ್‌ ಹವಾಯನ್‌ ಹಾಗೂ ಪೆಸಿಫಿಕ್‌ ಐಲ್ಯಾಂಡರ್‌ ಪಾರಂಪರಿಕ ಮಾಸದ ಆಚರಣೆಯಲ್ಲಿ ಮಂಡ್ಯ ಮೂಲದ ಡಾ| ವಿವೇಕ ಮೂರ್ತಿ ಡ್ರಮ್ಸ್‌ ಬಾರಿಸುವ ಮೂಲಕ ನೆರದಿದ್ದ ಸಭಿಕರನ್ನು ರಂಜಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಅವರು, “ಸಂಗೀತಕ್ಕೆ ಚೇತರಿಕೆಯ ಗುಣವಿದೆೆ’ ಎಂದರು. ಮರಿನ್‌ ಬ್ಯಾಂಡ್‌ ಭಾರತದ ಖ್ಯಾತ ‘ಸಾರೇ ಜಹಾ ಸೇ ಅಚ್ಛಾ ಹಿಂದೂಸ್ಥಾನ ಹಮಾರಾ’ ದೇಶಭಕ್ತಿ ಗೀತೆಯನ್ನು ವಾದ್ಯಗಳಲ್ಲಿ ನುಡಿಸಿತು.

ಇದೇ ಸಂದರ್ಭದಲ್ಲಿ ಅತಿಥಿಗಳಿಗೆ ಭಾರತದ ಜನಪ್ರಿಯ ಗೊಲಗಪ್ಪ, ಸಮೋಸ, ಖೊಯಾ ಖಾದ್ಯಗಳನ್ನು ನೀಡಲಾಯಿತು.