ಡೋರ್‌ ವೆ ಪುಲ್‌ ಅಪ್‌ ಬಾರ್‌

ಸುಲಭವಾಗಿ ಕೈಗೊಳ್ಳುವ ವ್ಯಾಯಾಮಗಳಲ್ಲಿ ಪುಷ್‌ಅಪ್‌, ಪುಲ…ಅಪ್‌ ಪ್ರಮುಖವಾದದ್ದು. ಸದೃಢ ತೋಳು ಮತ್ತು ಭುಜವನ್ನು ಹೊಂದಬೇಕು ಎಂದು ಅಪೇಕ್ಷಿಸುವವರಿಗೆ ವ್ಯಾಯಾಮ ಹೆಚ್ಚು ಉಪಯುಕ್ತವಾಗಿದೆ. ಈ ವ್ಯಾಯಾಮಕ್ಕೆ ಡೋರ್‌ ವೆ ಪುಲ್‌ ಅಪ್‌ ಬಾರ್‌ ಸಾಧನ ಬಳಸುವ ಮೂಲಕ ಹೆಚ್ಚು ಪರಿಣಾಮಕಾರಿಯಾಗಿ ಈ ವ್ಯಾಯಮದ ಸದುಪಯೋಗ ಮಾಡಬಹುದಾಗಿದೆ.

ಡೋರ್‌ ವೆ ಪುಲ್‌  ಅಪ್‌ ಸಾಧನವನ್ನು ಪುಲ್‌ ಅಪ್‌ ಮಾಡಲು ಬಳಸಬಹುದು. ಜಿಮ್‌ ಹೊರತು ಪುಲ್‌ ಅಪ್‌ ವ್ಯಾಯಾಮಕ್ಕೆ ಇತರ ಸ್ಥಳಗಳೂ ಅಷ್ಟು ಸರಿಹೊಂದುವುದು ಕಷ್ಟ. ಮನೆಯ ಗೋಡೆಗಳನ್ನು ಹಿಡಿದುಕೊಂಡು ಪುಲ್‌ ಅಪ್‌ ಮಾಡಬಹುದಾದರೂ ಅದು ಅಷ್ಟು ಕಂಫ‌ರ್ಟ್‌ ಎನಿಸುವುದಿಲ್ಲ. ಆದರೆ ಈ ಸಾಧನವನ್ನು ಬಾಗಿಲಿಗೆ ನೇತುಹಾಕಿ ಬಳಸಬಹುದು. ಅಷ್ಟೇ ಅಲ್ಲ, ಒಂದೇ ಜಾಗದಲ್ಲಿ ಅಳವಡಿಸದೆ ಅಗತ್ಯವಿರುವ ಜಾಗಗಳಿಗೆ ಇದನ್ನು ಬದಲಾಯಿಸಲು ಸಾಧ್ಯವಿದೆ. ಡೋರ್‌ ವೆ ಪುಲ…ಅಪ್‌ ಬಾರ್‌ ಬಳಸಿ ಪುಲ…ಅಪ್‌ ಮತ್ತು ಪುಷ್‌ಅಪ್‌ ಸಹ ಮಾಡಬಹುದಾಗಿದೆ. ಇದರಲ್ಲಿ ಹಿಡಿಕೆ ಇರುವುದರಿಂದ ಕೈಗಳನ್ನು ಅದರ ಮೇಲಿಟ್ಟು ಪುಷ್‌ಅಪ್‌ ಮಾಡಬಹುದು. ನೆಲದ ಮೇಲೆ ಪುಷ್‌ಅಪ್‌ ಮತ್ತು ಗೋಡೆಯ ಮೇಲೆ ಪುಲ್‌ ಅಪ್‌ ಮಾಡುವುದಕ್ಕಿಂತ ಈ ಸಾಧನವನ್ನು ಬಳಸಿಕೊಂಡು ವ್ಯಾಯಾಮ ಮಾಡುವುದು ಹೆಚ್ಚು ಪರಿಣಾಮಕಾರಿ ಹಾಗೂ ಸುರಕ್ಷಿತ ಕೂಡ ಹೌದು.

ಯಾವೆಲ್ಲ ಅಂಗಾಂಗಕ್ಕೆ ಸಹಾಯಕ
ಒಟ್ಟಾರೆ ದೇಹಕ್ಕೆ ವ್ಯಾಯಾಮ ಸಿಗಲಿದೆ. ತೋಳು, ಭುಜ, ಬೆನ್ನಿನ ಭಾಗ, ಕಾಲು ಮತ್ತು ದೇಹದ ಸ್ನಾಯು ಭಾಗಗಳಿಗೆ ಸಹಾಯವಾಗಲಿದೆ.