ನಾನು ಜುನೊ. ನಂಗೆ ನಾಲ್ಕು ತಿಂಗಳು. ನಾನಿವತ್ತು, ಅಮ್ಮ ಮತ್ತು ಅಜ್ಜಿ ಜೊತೆ ಅಮೆರಿಕಕ್ಕೆ ಹೊರಟಿದ್ದೇನೆ, ಆಂಟಿಯನ್ನು ನೋಡಲು. ನಂಗೆ ಸ್ವಲ್ಪ ಭಯ, ಆತಂಕ ಆಗ್ತಾ ಇದೆ. ಯಾಕೆ ಗೊತ್ತಾ? ನಾನು ವಿಮಾನ ಹತ್ತುತ್ತಿರೋದು ಇದೇ ಮೊದಲು. ಅಂದ್ರೆ, ನಾನಿವತ್ತು ಅಳಬಹುದು ಅಥವಾ ಗಲಾಟೆ ಕೂಡಾ ಮಾಡಬಹುದು. ನಾನು ಸುಮ್ಮನೆ ಇರೋಕೆ ಟ್ರೈ ಮಾಡ್ತೀನಾದರೂ, ಆ ಬಗ್ಗೆ ನಿಮಗೆ ಪ್ರಾಮಿಸ್‌ ಮಾಡಲಾರೆ. ಆದ್ದರಿಂದ, ನನ್ನಿಂದ ನಿಮಗೆ ಕಿರಿಕಿರಿಯಾದರೆ ಪ್ಲೀಸ್‌, ಎಕ್ಸ್‌ಕ್ಯೂಸ್‌ ಮಿ!
Advertisement
ನಮ್ಮಮ್ಮ ನಿಮಗಾಗಿ ಅಂತ ಸಣ್ಣ ಪ್ಯಾಕೆಟ್‌ಗಳನ್ನು ತಂದಿದ್ದಾಳೆ. ಅದರಲ್ಲಿ ಚಾಕೊಲೇಟ್‌ ಮತ್ತು ಇಯರ್‌ ಪ್ಲಗ್‌ಗಳಿವೆ. ಒಂದುವೇಳೆ ನಾನು ಗಲಾಟೆ ಮಾಡಿ, ಅದರಿಂದ ನಿಮಗೆ ಕಿರಿಕಿರಿ ಆದರೆ ಇಯರ್‌ ಪ್ಲಗ್‌ ಹಾಕಿಕೊಂಡು, ಚಾಕೊಲೇಟ್‌ ತಿನ್ನಿ. ಓಕೆನಾ?ಎಲ್ಲರೂ ಟ್ರಿಪ್‌ನ ಎಂಜಾಯ್‌ ಮಾಡಿ
ತಾಯಿಯೊಬ್ಬಳು, ತನ್ನ ಮಗುವಿನಿಂದ ಸಹ ಪ್ರಯಾಣಿಕರಿಗೆ ಆಗಬಹುದಾದ ತೊಂದರೆಗೆ ಹೀಗೆ ಕ್ಯೂಟ್‌ ಆಗಿ ಪತ್ರ ಬರೆದು, ಕ್ಷಮೆ ಕೋರಿದ್ದಾಳೆ. ಅಷ್ಟೇ ಅಲ್ಲದೆ, ವಿಮಾನದಲ್ಲಿದ್ದ ಎಲ್ಲ ಪ್ರಯಾಣಿಕರಿಗೂ ಚಾಕೊಲೇಟ್‌-ಇಯರ್‌ ಪ್ಲಗ್‌ ಇರುವ ಪ್ಯಾಕೆಟ್‌ಗಳನ್ನು ನೀಡಿದ್ದಾಳೆ. ಪ್ರತಿ ಪ್ಯಾಕೆಟ್‌ ಮೇಲೂ ಈ ಪತ್ರವನ್ನು ಅಂಟಿಸಲಾಗಿತ್ತಂತೆ. ವಿಮಾನದಲ್ಲಿ ಈ ತಾಯಿ- ಮಗುವಿನ ಸಹ ಪ್ರಯಾಣಿಕರಾಗಿದ್ದ ಡೇವ್‌ ಕರೋನ ಎಂಬಾಕೆ ಇದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಮಗು ಅಲ್ವಾ, ಅಳದೇ ಇರುತ್ತಾ ಅಂತ ಸಬೂಬು ಹೇಳದೆ, ಆ ತಾಯಿ ವಹಿಸಿದ ಕಾಳಜಿ ಮತ್ತು ಆಕೆಯ ಸೃಜನಶೀಲತೆಯನ್ನು ಮೆಚ್ಚಲೇಬೇಕು.