ಗನ್‌ ಲೈಸೆನ್ಸ್‌ ಬೇಕಿದ್ರೆ, ಹಸುವಿಗೆ ಹೊದಿಕೆ ಕೊಡಿ!

ಗ್ವಾಲಿಯರ್‌: ನಿಮಗೆ ಗನ್‌ ಲೈಸೆನ್ಸ್‌ ಬೇಕೇ? ಹಾಗಿದ್ದರೆ, ಗೋಶಾಲೆಯಲ್ಲಿರುವ ಹಸುಗಳಿಗೆ 10 ಹೊದಿಕೆಗಳನ್ನು ದೇಣಿಗೆ ನೀಡಿ! ಇಂಥದ್ದೊಂದು ನಿಯಮ ಮಧ್ಯಪ್ರದೇಶದ ಗ್ವಾಲಿಯರ್‌ ಜಿಲ್ಲೆಯಲ್ಲಿ ಜಾರಿಗೆ ಬಂದಿದೆ. ಇಲ್ಲಿನ ಜಿಲ್ಲಾಧಿಕಾರಿ ಅನುರಾಗ್‌ ಚೌಧರಿ ಈ ಘೋಷಣೆ ಮಾಡಿದ್ದಾರೆ.

ಗೋಲಾ ಕಾ ಮಂದಿರ್‌ ಎಂಬ ಪ್ರದೇಶದಲ್ಲಿರುವ ಸ್ಥಳೀಯಾಡಳಿತ ನಿರ್ವಹಿಸುತ್ತಿರುವ ಗೋಶಾಲೆಯಲ್ಲಿ ಇತ್ತೀಚೆಗೆ ಭಾರೀ ಚಳಿ ತಾಳಲಾರದೇ 6 ಹಸುಗಳು ಸಾವನ್ನಪ್ಪಿದ್ದವು. ಇಲ್ಲಿಗೆ ಭೇಟಿ ನೀಡಿದ ಚೌಧರಿ ಅವರು, ಇನ್ನು ಮುಂದೆ ಯಾರಾದರೂ ಗನ್‌ ಪರವಾನಗಿಗೆ ಅರ್ಜಿ ಸಲ್ಲಿಸುವುದಿದ್ದರೆ, ಮೊದಲು ಇಲ್ಲಿನ ಹಸುಗಳನ್ನು ಚಳಿಯಿಂದ ರಕ್ಷಿಸುವಂಥ ಹೊದಿಕೆಗಳನ್ನು ದಾನವಾಗಿ ನೀಡಬೇಕು. ಹಾಗೆ ಮಾಡಿದವರಿಗೆ ಮಾತ್ರವೇ ಲೈಸೆನ್ಸ್‌ ವಿತರಿಸಲಾಗುವುದು ಎಂದು ಘೋಷಿಸಿದ್ದಾರೆ.