ಐದು ವರ್ಷಗಳಿಂದ ಬಣಕಲ್ ಠಾಣೆಯನ್ನು ರಾತ್ರಿ-ಹಗಲು ಕಾಯುತ್ತಿದ್ದ ಶ್ವಾನ ರಿಕ್ಕಿ ಸಾವು

ಮೂಡಿಗೆರೆ : ಕಳೆದ ಐದು ವರ್ಷಗಳಿಂದ ಬಣಕಲ್ ಠಾಣೆಯನ್ನು ರಾತ್ರಿ ಹಗಲೆನ್ನದೆ ಕಾಯುತ್ತಿದ್ದ ಶ್ವಾನ ರಿಕ್ಕಿ ಇಂದು ಮುಂಜಾನೆ ಸಾವನ್ನಪ್ಪಿದೆ.

ಠಾಣೆಯ ಎಲ್ಲಾ ಸಿಬ್ಬಂದಿಗಳ ಪ್ರೀತಿ ಪಾತ್ರನಾಗಿದ್ದ ರಿಕಿ ಹಠಾತ್ತನೆ ಸಾವನ್ನಪ್ಪಿರುವುದು ಬಣಕಲ್ ಠಾಣೆಯಲ್ಲಿ ಮೌನ ಆವರಿಸಿದೆ.

ಪೊಲೀಸರು ವಾಹನ ತಪಾಸಣೆ ಮಾಡುವಾಗಲೂ ರಿಕಿ ತನ್ನ ಕರ್ತವ್ಯವನ್ನು ನಿರ್ವಹಿಸುತ್ತಿತ್ತು, ರಿಕ್ಕಿ ಠಾಣೆಯಲ್ಲಿ ಇದ್ದರೆ ಪೊಲೀಸರಿಗೆ ಮನೆಯ ಕುಟುಂಬ ಸದಸ್ಯನಂತೆ ಆದರೆ ಇಂದು ಅದರ ಅಗಲಿಕೆಯಿಂದ ಠಾಣೆಯಲ್ಲಿ ನೀರವ ಮೌನ ಆವರಿಸಿದೆ.

ರಿಕ್ಕಿಯ ಅಂತ್ಯಸಂಸ್ಕಾರವನ್ನು ಬಣಕಲ್ ಠಾಣೆಯ ಸಮೀಪದಲ್ಲಿ ನಡೆಯಿತು, ಠಾಣೆಯ ಎಲ್ಲಾ ಸಿಬ್ಬಂದಿಗಳು ಹಾಜರಿದ್ದು ಅಂತಿಮ ನಮನ ಸಲ್ಲಿಸಿದರು. ಧರ್ಮಸ್ಥಳ ರಾಷ್ಟ್ರೀಯ ವಿಪತ್ತು ತಂಡ ದ ಸದಸ್ಯರು ಭಾಗವಹಿಸಿದ್ದರು.

ಇದನ್ನೂ ಓದಿ :ಬೆಳಗಾವಿ ಪಾಲಿಕೆಯಲ್ಲಿ ಅರಳಿದ‌ ಕಮಲ: ಅತಿ ದೊಡ್ಡ ಪಕ್ಷವಾಗಿ ಹೊರ ಹೊಮ್ಮಿದ ಬಿಜೆಪಿ