ನನ್ನಲ್ಲಿ ಕ್ರಿಪ್ಟೋ ಕರೆನ್ಸಿ ಇಲ್ಲ: ಪಿಚೈ  ಸ್ಪಷ್ಟನೆ

ಹೊಸದಿಲ್ಲಿ: “ನಾನು ಯಾವುದೇ ಕ್ರಿಪ್ಟೋಕರೆನ್ಸಿಯನ್ನು ಹೊಂದಿಲ್ಲ. ಆದರೆ ನಾನೂ ಅದನ್ನು ಖರೀದಿಸಬೇಕಿತ್ತು ಎಂದು ಅನಿಸಿದ್ದಿದೆ’ ಎಂದು ಗೂಗಲ್‌ ಸಿಇಒ, ಭಾರತೀಯ ಮೂಲದ ಸುಂದರ್‌ ಪಿಚೈ ಹೇಳಿದ್ದಾರೆ.

ಜಗತ್ತಿನಾದ್ಯಂತ ಶ್ರೀಮಂತರ ಕ್ರಿಪ್ಟೋ ಆಸ್ತಿ ಸದ್ದು ಮಾಡುತ್ತಿರುವಂತೆಯೇ ಪಿಚೈ ಅವರು ಬ್ಲೂಮ್‌ಬರ್ಗ್‌ಗೆ ನೀಡಿದ ಸಂದರ್ಶನದಲ್ಲಿ ಈ ಹೇಳಿಕೆ ನೀಡಿದ್ದಾರೆ. ಈ ಹಿಂದೆ ಅಂದರೆ 2018ರಲ್ಲೂ ಕ್ರಿಪ್ಟೋ ಕುರಿತು ಪ್ರಸ್ತಾವಿಸಿದ್ದ ಪಿಚೈ, “11 ವರ್ಷದ ನನ್ನ ಪುತ್ರ ಕ್ರಿಪ್ಟೋ ಮೈನಿಂಗ್‌ ಮಾಡುತ್ತಾನೆ ಎಂಬುದನ್ನು ತಿಳಿದು ನನಗೇ ಅಚ್ಚರಿಯಾಯಿತು. ಈ ವಿಷಯ ಅವನು ಹೇಳಿಯೇ ನನಗೆ ಗೊತ್ತಾಗಿದ್ದು’ ಎಂದೂ ಹೇಳಿದ್ದರು.