ರವಿಶಂಕರ್‌ ಗುರೂಜಿಗೆ ಗೌ.ಡಾಕ್ಟರೇಟ್

ಬೆಂಗಳೂರು: ಭಾರತ ಹಾಗೂ ರಷ್ಯಾ ನಡುವೆ ಅಂತರ್‌ ಸಾಂಸ್ಕೃತಿಕ ಸ್ನೇಹ ಬೆಸೆದ ಹಿನ್ನೆಲೆಯಲ್ಲಿ ಆರ್ಟ್‌ ಆಫ್ ಲಿವಿಂಗ್‌ನ ಮುಖ್ಯಸ್ಥ ರವಿಶಂಕರ್‌ ಗುರೂಜಿ ಅವರು, ರಷ್ಯಾದ ಉರಲ್ ಫೆಡರಲ್ ವಿಶ್ವವಿದ್ಯಾನಿಲಯದ ಗೌರವ ಡಾಕ್ಟರೇಟ್‌ಗೆ ಭಾಜನರಾಗಿದ್ದಾರೆ.

ಈ ವೇಳೆ ಮಾತನಾಡಿದ ರವಿಶಂಕರ್‌ ಗುರೂಜಿ, ಎಲ್ಲರನ್ನೂ ಒಳಗೊಂಡಂತ ಮಾನವತ್ವದ ಶಿಕ್ಷಣ ಯುವ ಸಮೂಹಕ್ಕೆ ದೊರಕುವಂತಾಗಬೇಕು ಎಂಬುದು ತಮ್ಮ ಆಶಯ. ಶಾಂತಿಯುತ ಸಮಾಜ ನಿರ್ಮಾಣಕ್ಕೆ ಶಿಕ್ಷಣ ಅಗತ್ಯವಾಗಿದೆ. ಜೀವನ ಅಂದರೇನು ಎಂಬುದನ್ನು ಶಿಕ್ಷಣ ಕೇಂದ್ರಗಳು ತಿಳಿಸಿಕೊಡಲಿದ್ದು, ಹೃದಯಗಳನ್ನು ಬೆಸೆಯುವಂತ ಹಾಗೂ ಮಾನವೀಯ ಮೌಲ್ಯಗಳಿಗೆ ಮಹತ್ವ ನೀಡುವಂತ ಶಿಕ್ಷಣ ಮಕ್ಕಳಿಗೆ ಸಿಗಬೇಕು ಎಂದರು.