Advertisement
ಹಿರಿಯ ವಿದ್ವಾಂಸ ಡಾ| ಎಂ. ಪ್ರಭಾಕರ ಜೋಷಿ ನುಡಿ ನಮನ ಸಲ್ಲಿಸುತ್ತ, “ಉತ್ಕೃಷ್ಟ ವೈದ್ಯರಾಗಿ ಸಮಾಜ ಸ್ಪಂದನೆಯ ಹಾಗೂ ಕವಿ ಮನಸ್ಸಿನ ಅಪರೂಪದ ಸಾಧಕ ಡಾ| ಜಿ.ಜಿ. ಲಕ್ಷ್ಮಣ ಪ್ರಭು ಅವರು ಮಾನವೀಯತೆಯ ಬಹುಮುಖ ಹೊಂದಿದವರು. ವೈದ್ಯಕೀಯ ಕ್ಷೇತ್ರದಲ್ಲಿದ್ದು ಸಾಹಿತ್ಯವನ್ನು ಅರಗಿಸಿಕೊಂಡ ಅವರು ಅಪರೂಪದ ಮಹಾ ಪುರುಷ. ಸದಾ ನಗು ಮುಖ ಹಾಗೂ ಹಾಸ್ಯದಲ್ಲಿ ಸಿದ್ಧಾಂತ ಹೊಂದಿದ್ದ ಅವರಿಂದು ನಮ್ಮೊಡನೆ ಇಲ್ಲವಾದರೂ ಅವರ ಜಾಗೃತ ಪ್ರಜ್ಞೆ ಎಂದೆಂದಿಗೂ ಜಾಗೃತವಾಗಿರುತ್ತದೆ ಎಂದರು.
ಯುರೋಲಜಿಸ್ಟ್‌ ಚೆನ್ನೈಯ ಡಾ| ಗಣೇಶ್‌ ಕಾಮತ್‌ ಮಾತನಾಡಿ, ಯುರಾಲಜಿಕಲ್‌ ಸೊಸೈಟಿ ಆಫ್‌ ಇಂಡಿಯಾದಲ್ಲಿ ಲಕ್ಷ್ಮಣ ಪ್ರಭು ಅವರು ಪದಾಧಿಕಾರಿಯಾಗಿ ಮಹೋನ್ನತ ಸೇವೆ ಸಲ್ಲಿಸಿದ್ದಾರೆ. ರಾಷ್ಟ್ರ ಸಂಘಟನೆಯಲ್ಲಿ ಮುಂಚೂಣಿಯಲ್ಲಿದ್ದರು. ವೈದ್ಯಕೀಯ ಲೋಕದಲ್ಲಿ ಅವರ ಹೆಸರು ಶಾಶ್ವತ ಎಂದು ಹೇಳಿದರು. ಲೆಕ್ಕಪರಿಶೋಧಕ ವಾಮನ ಕಾಮತ್‌ ಮಾತನಾಡಿ, ಲಕ್ಷ್ಮಣ ಪ್ರಭು ಅವರು ವೈದ್ಯರಾಗಿ, ಸಾಹಿತ್ಯ,ಸಾಂಸ್ಕೃತಿಕ, ಸಂಘಟನೆ, ಸಮಾಜ ಮುಖೀ, ಪ್ರವಾಸಿ ನೆಲೆಯಲ್ಲಿಯೂ ತನ್ನನ್ನು ತಾನು ಅರ್ಪಿಸಿಕೊಂಡ ಬಗೆ ಅವಿಸ್ಮರಣೀಯ. ಉತ್ತಮ ಮನೆತನದೊಂದಿಗೆ ಸಮಾಜದ ಹತ್ತಾರು ವಿಚಾರಗಳ ಬಗ್ಗೆ ಕುತೂಹಲ ಉಳಿಸಿಕೊಂಡಿದ್ದ ಅವರು ಅಪರೂಪದ ಸಾಧಕ. ಹಲವಾರು ಸಂಕೀರ್ಣ ವೈದ್ಯ ಕೀಯ ಪ್ರಕರಣಗಳನ್ನು ನಿರ್ವಹಿಸಿದ ಕೀರ್ತಿ ಅವರಿಗೆ ಸಲ್ಲುತ್ತದೆ ಎಂದರು.
Related Articles
Advertisement
ಡಾ| ಜಿ.ಜಿ. ಲಕ್ಷ್ಮಣ ಪ್ರಭು ಅವರ ಪತ್ನಿ ಕವಿತಾ ಎಲ್‌. ಪ್ರಭು, ಪುತ್ರ ಡಾ| ಜಿ.ಜಿ. ಅಕ್ಷಯ್‌ ಪ್ರಭು, ಪುತ್ರಿ ಜಿ.ಜಿ. ಕೃತಿಕಾ ಪ್ರಭು, ಸಹೋದರ ಜಿ.ಜಿ. ಮೋಹನ್‌ದಾಸ್‌ ಪ್ರಭು ಉಪಸ್ಥಿತರಿದ್ದರು.