ಪ್ರಮಾಣ ಪತ್ರ ಕೊಟ್ಟರಷ್ಟೇ ವೈದ್ಯರಿಗೆ ವೇತನ!

ಬೆಂಗಳೂರು: “ಹೊರಗಿನಿಂದಔಷಧಖರೀದಿಸಲು ರೋಗಿಗಳಿಗೆ ಚೀಟಿ ಬರೆದು ಕೊಟ್ಟಿಲ್ಲ, ಮುಂದೆ ಬರೆದು ಕೊಡುವುದೂ ಇಲ್ಲ’ ಎಂದು “ಸ್ವಯಂಘೋಷಿತ ಪ್ರಮಾಣ ಪತ್ರ’ ಕೊಟ್ಟರಷ್ಟೇ ರಾಜ್ಯದ ಸರ್ಕಾರಿ ಅಥವಾ ಒಪ್ಪಂದದ ಆಧಾರದಲ್ಲಿ ಕಾರ್ಯನಿರ್ವಹಿಸುತ್ತಿರುವ ವೈದ್ಯರಿಗೆ ಜುಲೈ ತಿಂಗಳ ವೇತನ ಸಿಗಲಿದೆ.

ಹೊರಗಿನಿಂದ ಔಷಧ ಖರೀದಿಗೆ ಚೀಟಿ ಬರೆದುಕೊಡುವುದು ಸೇರಿ ಇನ್ಯಾವುದೇ ರೀತಿಯ ತಪ್ಪು ಕೆಲಸಗಳಲ್ಲಿ ನಿರತರಾಗುವುದಿಲ್ಲ ಎಂದು ಎಲ್ಲ ಸರ್ಕಾರಿ ಅಥವಾ ಒಪ್ಪಂದದ ಆಧಾರದಲ್ಲಿ ಸೇವೆ ಸಲ್ಲಿಸುತ್ತಿರುವ ವೈದ್ಯರಿಂದ ಸ್ವಯಂಘೋಷಿತ ಪ್ರಮಾಣ ಪತ್ರ ಪಡೆದುಕೊಂಡ ಬಳಿಕವಷ್ಟೇ ಜುಲೈ ತಿಂಗಳ ವೇತನ ಬಿಡುಗಡೆ ಮಾಡುವಂತೆ ಮುಖ್ಯ ಆಡಳಿತಾಧಿಕಾರಿ ಹಾಗೂ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳಿಗೆ ಸೂಚನೆ ನೀಡಿ ಆರೋಗ್ಯ ಇಲಾಖೆ ಜು. 6ರಂದು ಸುತ್ತೋಲೆ ಹೊರಡಿಸಿದೆ.