ಕಲಬುರಗಿ: ಪಿಎಸ್ಐ ನೇಮಕಾತಿಯ ಪರೀಕ್ಷೆ ಅಕ್ರಮದ ಪ್ರಮುಖ ಆರೋಪಿ ದಿವ್ಯಾ ಹಾಗರಗಿ ಹಾಗೂ ನಾಲ್ವರನ್ನು ಬಂಧಿಸಿ ಸಿಐಡಿ ತಂಡ ಕಲಬುರಗಿಗೆ ಕರೆ ತಂದಿದೆ.
ದಿವ್ಯಾ ಹಾಗರಗಿಯನ್ನು ಮಹಾರಾಷ್ಟ್ರದ ಪುಣೆಯಲ್ಲಿ ಬಂಧಿಸಿ ಇಂದು ಮಧ್ಯಾಹ್ನ ಕಲಬುರಗಿಗೆ ಕರೆ ತಂದಿದೆ. ಮುಖಕ್ಕೆ ಬಟ್ಟೆ ಕಟ್ಟಿಕೊಂಡು ಬಂದ ದಿವ್ಯಾ ಹಾಗರಗಿ ತಲೆ ತಗ್ಗಿಸಿಕೊಂಡು ಸಿಐಡಿ ಕಛೇರಿ ಪ್ರವೇಶಿಸಿದ್ದಾರೆ.
ದಿವ್ಯಾ ಜೊತೆ ಆಕೆಯ ಶಾಲೆಯ ಶಿಕ್ಷಕಿಯರಾದ ಅರ್ಚನಾ, ಸುನೀತಾ ಜತೆಗೆ ಕರೆದುಕೊಂಡು ಬರಲಾಗಿದೆ. ಅದೇ ರೀತಿ ದಿವ್ಯಾ ಹಾಗರಗಿ ಹಾಗೂ ಅವರ ತಂಡಕ್ಕೆ ಆಶ್ರಯ ಮತ್ತು ರಕ್ಷಣೆ ನೀಡಿದ ಸುರೇಶ ಕಾಟೇಗಾಂವ್ ಮತ್ತು ಕಾಳಿದಾಸ ಎನ್ನುವರನ್ನು ಸಹ ಬಂಧಿಸಿ ಕರೆ ತರಲಾಗಿದೆ.
ಇದನ್ನೂ ಓದಿ:ಅಕ್ರಮ ಹಿನ್ನಲೆ : 54,289 ಪಿಎಸ್ ಐ ಅಭ್ಯರ್ಥಿಗಳಿಗೆ ಮರು ಪರೀಕ್ಷೆಯ ಶಾಕ್!
ದಿವ್ಯಾ ಹಾಗರಗಿ ಜತೆಗೆ ಬಂಧಿತರಾಗಿರುವ ಜ್ಷಾನಜ್ಯೋತಿ ಶಾಲೆಯ ಕಾಶೀನಾಥ್, ಶಾಂತಾಬಾಯಿ, ಸುನಂದಾ ಎಂಬುವರನ್ನು ಜತೆಗೆ ಕರೆ ತಂದಿಲ್ಲ.
