Advertisement
ಗುಜರಾತ್‌ ತಂಡದ ಚೇಸಿಂಗ್‌ ವೇಳೆ 4ನೇ ಕ್ರಮಾಂಕದಲ್ಲಿ ಆಡಲಿಳಿದ ವಿಜಯ್‌ ಶಂಕರ್‌ ಉತ್ತಮ ಆಟದ ಸೂಚನೆ ನೀಡಿದ್ದರು. ಆದರೆ ಡ್ಯಾರಿಲ್‌ ಮಿಚೆಲ್‌ ಇದಕ್ಕೆ ಅವಕಾಶ ಕೊಡಲಿಲ್ಲ. ಪಂದ್ಯದ 8ನೇ ಓವರ್‌ನ 3ನೇ ಎಸೆತದಲ್ಲಿ ಅವರು ವಿಜಯ್‌ ಶಂಕರ್‌ಗೆ ಪೆವಿಲಿಯನ್‌ ಹಾದಿ ತೋರಿಸಿದರು. ಬ್ಯಾಟ್‌ಗೆ ಎಜ್‌ ಆದ ಚೆಂಡು ಮೊದಲ ಸ್ಲಿಪ್‌ನತ್ತ ಸಾಗಿತ್ತು. ನಿಜಕ್ಕಾದರೆ ಇದು ಧೋನಿ ಪಡೆಯಬೇಕಿದ್ದ ಕ್ಯಾಚ್‌ ಆಗಿರಲಿಲ್ಲ. ಆದರೆ ಮಿಂಚಿನಂತೆ ಡೈವ್‌ ಮಾಡಿದ ಧೋನಿ ಅದ್ಭುತ ರೀತಿಯಲ್ಲಿ ಕ್ಯಾಚ್‌ ಪಡೆದು ಎಲ್ಲರನ್ನೂ ನಿಬ್ಬೆರಗಾಗಿಸಿದರು!
ಈ ಪಂದ್ಯಕ್ಕೂ ಮುನ್ನ ನೆಟ್ಸ್‌ ನಲ್ಲಿ ಧೋನಿ ಭಾರೀ ಬೆವರು ಸುರಿಸಿ ಅಭ್ಯಾಸ ನಡೆಸಿದ್ದರು. ಈ ಅವಧಿಯಲ್ಲಿ ಲೆಗ್‌ ಸ್ಪಿನ್‌ ಬೌಲಿಂಗ್‌ ಕೂಡ ನಡೆಸಿ ಗಮನ ಸೆಳೆದರು. ಹಾಗಾದರೆ ಧೋನಿ ಈ ಐಪಿಎಲ್‌ನಲ್ಲಿ ಸ್ಪಿನ್‌ ಬೌಲಿಂಗ್‌ ಮಾಡುವ ಸಾಧ್ಯತೆ ಇದೆಯೇ ಎಂಬುದು ಅಭಿಮಾನಿಗಳ ಪ್ರಶ್ನೆ.