Team India; ಶ್ರೀಶಾಂತ್‌ ವಿರುದ್ಧ ಧೋನಿ ಸಿಟ್ಟು: ಆತ್ಮಚರಿತ್ರೆಯಲ್ಲಿ ಅಶ್ವಿ‌ನ್‌ ಉಲ್ಲೇಖ

ನವದೆಹಲಿ: ಮಾಜಿ ವೇಗಿ ಎಸ್‌. ಶ್ರೀಶಾಂತ್‌ ಅವರನ್ನು 2010ರಲ್ಲಿ ದಕ್ಷಿಣ ಆಫ್ರಿಕಾ ಸರಣಿಯ ಅರ್ಧದಿಂದಲೇ ತವರಿಗೆ ಕಳುಹಿಸಲು ಭಾರತದ ಮಾಜಿ ನಾಯಕ ಎಂ.ಎಸ್‌.ಧೋನಿ ಮುಂದಾಗಿದ್ದರು ಎಂದು ಸ್ಪಿನ್ನರ್‌ ಆರ್‌.ಅಶ್ವಿ‌ನ್‌ ವಿಚಾರವೊಂದರನ್ನು ಬಹಿರಂಗ ಪಡಿಸಿದ್ದಾರೆ.

ತನ್ನ ಆತ್ಮ ಚರಿತ್ರೆ “ಐ ಹ್ಯಾವ್‌ ದ ಸ್ಟ್ರೀಟ್ಸ್‌-ಅ ಕುಟ್ಟಿ ಕ್ರಿಕೆಟ್‌ ಸ್ಟೋರಿ’ಯಲ್ಲಿ ಅಶ್ವಿ‌ನ್‌, ಧೋನಿಯ ಶಿಸ್ತಿನ ಬಗ್ಗೆ ಉಲ್ಲೇಖೀಸಿದ್ದಾರೆ.

ಪ್ರವಾಸ ಸರಣಿಗಾಗಿ ದ.ಆಫ್ರಿಕಾಕ್ಕೆ ಧೋನಿ ಪಡೆ ತೆರಳಿತ್ತು. ಈ ಸಂದರ್ಭ, ಪಂದ್ಯ ನಡೆಯುವ ವೇಳೆ ಮೀಸಲು ಆಟಗಾರರು ಇತರ ಆಟಗಾರರ ಜೊತೆ ಡಗ್‌ಔಟ್‌ನಲ್ಲಿರಬೇಕು ಎಂದಿದ್ದ ಧೋನಿ ಮಾತನ್ನು ಮೀರಿದ್ದ ಶ್ರೀಶಾಂತ್‌ ವಿರುದ್ಧ, ಧೋನಿ ಸಿಟ್ಟಾಗಿದ್ದರು ಎಂದು ಅಶ್ವಿ‌ನ್‌ ತನ್ನ ಪುಸ್ತಕದಲ್ಲಿ ಬರೆದಿದ್ದಾರೆ.