ಧವನ್‌ ಫಿಟ್ನೆಸ್‌ ಬಗ್ಗೆಯೇ ಅನುಮಾನ

ಶಿಖರ್‌ ಧವನ್‌ ಸತತ ಗಾಯಗಳಿಂದಾಗಿ ಮುಂಬರುವ ನ್ಯೂಜಿಲೆಂಡ್‌ ಸರಣಿಯಿಂದ ಹೊರಬಿದ್ದಿದ್ದಾರೆ. ಧವನ್‌ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಆಸ್ಟ್ರೇಲಿಯ ವಿರುದ್ಧ ಸರಣಿಯ ಆಡಿದ ಮೊದಲ ಏಕದಿನ ಪಂದ್ಯದಲ್ಲಿ ಭರ್ಜರಿ 74 ರನ್‌ ಬಾರಿಸಿದ್ದರು. ಎರಡನೇ ಏಕದಿನ ಪಂದ್ಯದಲ್ಲಿ 96 ರನ್‌ಗಳಿಸಿ ಮಿಂಚಿದ್ದರು. ಒಟ್ಟಾರೆ ಶಿಖರ್‌ ಧವನ್‌ ಉತ್ತಮ ಫಾರ್ಮ್ ನಲ್ಲಿದ್ದರು.

ಇದೆಲ್ಲದರ ಹೊರತಾಗಿಯೂ ಅವರ ಫಿಟ್ನೆಸ್‌ ಕೂಡ ಸರಿ ಇಲ್ಲವೇನೋ ಎನ್ನುವ ಅನುಮಾನ ವ್ಯಕ್ತವಾಗುತ್ತಿದೆ. 2ನೇ ಪಂದ್ಯದಲ್ಲಿ ಬ್ಯಾಟಿಂಗ್‌ ಮಾಡುತ್ತಿದ್ದ ವೇಳೆ ಕಮಿನ್ಸ್‌ ಎಸೆತದಲ್ಲಿ ಪಕ್ಕೆಲುಬಿಗೆ ಪೆಟ್ಟಾಗಿತ್ತು. ನಂತರ ಕ್ಷೇತ್ರರಕ್ಷಣೆ ಮಾಡಿರಲಿಲ್ಲ. ಮೂರನೇ ಪಂದ್ಯದಲ್ಲಿ ಫೀಲ್ಡಿಂಗ್‌ ನಡೆಸುತ್ತಿದ್ದಾಗ, ಭುಜಕ್ಕೆ ಪೆಟ್ಟು ಮಾಡಿಕೊಂಡು ನಂತರ ಬ್ಯಾಟಿಂಗ್‌ ಮಾಡಿರಲಿಲ್ಲ.

ಹಿಂದೆ ವಿಶ್ವಕಪ್‌ ನಡೆದಿದ್ದಾಗ ಆಗಲೂ ಶಿಖರ್‌ ಧವನ್‌ ಗಾಯಗೊಂಡಿದ್ದರು. ಫ‌ೂರ್ಣ ಕೂಟದಿಂದ ಹೊರಬಿದ್ದಿದ್ದರು. ಇದೆಲ್ಲವನ್ನು ಗಮನಿಸಿದಾಗ ಶಿಖರ್‌ ಧವನ್‌ ಪೂರ್ಣ ಫಿಟ್‌ ಆಗಿಲ್ಲವೇನೋ ಎನ್ನುವಂತಹ ಸಂದೇಹ ಮೂಡುತ್ತಿದೆ. ಇದೇ ರೀತಿ ಸತತ ಗಾಯಗಳಿಗೆ ತುತ್ತಾಗುತ್ತಿದ್ದರೆ ಮುಂದೆ ಅವರ ಕ್ರಿಕೆಟ್‌ ಭವಿಷ್ಯ ಅಂತ್ಯವಾಗಬಹುದು ಎನ್ನುವಂತಹ ಆತಂಕ ಅವರ ಅಭಿಮಾನಿಗಳಲ್ಲಿ ವ್ಯಕ್ತವಾಗುತ್ತಿದೆ.