ಧಾರವಾಡ; ಭೀಕರ ಅಪಘಾತ: ನಾಲ್ವರ ದುರ್ಮರಣ,ನಾಲ್ವರು ಗಂಭೀರ 

ಧಾರವಾಡ: ಇಲ್ಲಿನ ನಿಗದಿ ಗ್ರಾಮದ ಬಳಿ  ಭಾನುವಾರ ಬೆಳಗ್ಗೆ  ಕಾರಿಗೆ ಸರ್ಕಾರಿ ಬಸ್‌ ಢಿಕ್ಕಿಯಾಗಿ ಸಂಭವಿಸಿದ ಭೀಕರ ಅಪಘಾತದಲ್ಲಿ ಕಾರಿನಲ್ಲಿದ್ದ ನಾಲ್ವರು ದಾರುಣವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಕಾರಿನಲ್ಲಿದ್ದವರು ಧಾರವಾಡದ ಗಂಟಿಗಲ್ಲಿ ಪ್ರದೇಶದ ನಿವಾಸಿಗಳಾಗಿದ್ದು,  ದಾಂಡೇಲಿ ಪ್ರವಾಸಕ್ಕೆ ತೆರಳುತ್ತಿದ್ದರು ಎಂದು ತಿಳಿದು ಬಂದಿದೆ. 

ಇಮ್ರಾನ್‌ ಮಕನ್‌ದಾರ್‌ (38),ಪತ್ನಿ ಆಫ್ರಿನ್‌ (28) ಮತ್ತು ಪುತ್ರಿ , ಚಾಲಕ ಮೃತ ದುರ್ದೈವಿಗಳು ಎಂದು ತಿಳಿದು ಬಂದಿದೆ. 

ನಾಲ್ವರು  ಗಂಭೀರ ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿರುವ ಬಗ್ಗೆ ವರದಿಯಾಗಿದೆ. 

ಅಳ್ನಾವರ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.