ಧರ್ಮಸ್ಥಳದಲ್ಲಿ ಭಕ್ತ ಸಂದಣಿ

ಬೆಳ್ತಂಗಡಿ: ರಾಜ್ಯೋತ್ಸವ, ಮೊದಲನೇ ಶನಿವಾರ, ಭಾನುವಾರ ಸೇರಿದಂತೆ ಮೂರು ದಿನ ಸಾಲು ರಜೆಯಿಂದಾಗಿ ಧಾರ್ಮಿಕ ಪುಣ್ಯ ಕ್ಷೇತ್ರಗಳಲ್ಲಿ ಶನಿವಾರ ಜನಸಂದಣಿ ಕಂಡು ಬಂತು. ಶ್ರೀ ಕ್ಷೇತ್ರ ಧರ್ಮಸ್ಥಳದಲ್ಲಿ ಶುಕ್ರವಾರ 15 ಸಾವಿರಕ್ಕೂ ಅಧಿಕ ಭಕ್ತರು ದೇವರ ದರ್ಶನ ಪಡೆದಿದ್ದು, ಶನಿವಾರ 20 ಸಾವಿರಕ್ಕೂ ಅಧಿಕ ಭಕ್ತರು ಶ್ರೀ ಮಂಜುನಾಥ ಸ್ವಾಮಿಯ ದರ್ಶನ ಪಡೆದು, ವಿಶೇಷ ಪೂಜೆ ಸಲ್ಲಿಸಿದರು. ಈ ಮಧ್ಯೆ, ನ.4ರಂದು ಸೋಮವಾರ ಧರ್ಮಸ್ಥಳದಲ್ಲಿ ರಂಗಪೂಜೆ, ಉತ್ಸವ, ಪಲ್ಲಕ್ಕಿ ಉತ್ಸವಾದಿ ವಿಶೇಷ ಪೂಜೆ ನೆರವೇರಲಿದೆ.