ಮೈಸೂರಿನಲ್ಲಿ “ಡೆವಿಲ್‌’ʼ ಚಿತ್ರದ ಶೂಟಿಂಗ್‌ ಪ್ಯಾಕಪ್‌

ಮೈಸೂರು: ನಟ ದರ್ಶನ್‌ ಬಂಧನ ಹಿನ್ನೆಲೆಯಲ್ಲಿ ನಗರದಲ್ಲಿ ಕಳೆದೆರಡು ದಿನಗಳಿಂದ ನಡೆಯುತ್ತಿದ್ದ “ಡೆವಿಲ್‌’ ಚಿತ್ರದ ಶೂಟಿಂಗ್‌ ಪ್ಯಾಕಪ್‌ ಆಗಿದೆ.

20 ದಿನಗಳ ಶೂಟಿಂಗ್‌ ಶೆಡ್ಯೂಲ್‌ ಇಟ್ಟುಕೊಂಡು ಮೈಸೂರಿನ ವಿವಿಧೆಡೆ ಚಿತ್ರೀಕರಣ ಆರಂಭಿಸಿದ್ದ ಚಿತ್ರ ತಂಡಕ್ಕೆ ದರ್ಶನ್‌ ಬಂಧನ ಸುದ್ಧಿ ಆಘಾತ ಉಂಟು ಮಾಡಿದ್ದು, 2 ದಿನದಲ್ಲೇ ಪ್ಯಾಕಪ್‌ ಆಗಿದೆ.

“ಡೆವಿಲ್‌’ ಚಿತ್ರದ  ಚಿತ್ರೀಕರಣ ಲಲಿತ್‌ಮಹಲ್‌ ಹೋಟೆಲ್‌ ಸೇರಿ ವಿವಿಧ ಭಾಗಗಳಲ್ಲಿ  ನಡೆಯುತ್ತಿತ್ತು.  ಚಿತ್ರೀಕರಣವನ್ನು ಸೀಮಿತ ಅವಧಿಯಲ್ಲಿ ಮುಗಿಸಿ ಅಕ್ಟೋಬರ್‌ನಲ್ಲಿ ಚಿತ್ರ ಬಿಡುಗಡೆಗೆ ಯೋಜನೆ ರೂಪಿಸಲಾಗಿತ್ತು. ಆದರೆ ಕೊಲೆ ಪ್ರಕರಣದಲ್ಲಿ ದರ್ಶನ್‌ ಜೈಲು ಪಾಲಾದ ಹಿನ್ನೆಲೆ ಚಿತ್ರದ ನಿರ್ಮಾಪಕ ಮತ್ತು ನಿರ್ದೇಶಕರು ಕಂಗಾಲಾಗಿದ್ದಾರೆ.