ವಿಕಸಿತ ಭಾರತ: 1.03 ಕೋಟಿ ಜನರ ಆರೋಗ್ಯ ತಪಾಸಣೆ

ನವದೆಹಲಿ: “ವಿಕಸಿತ ಭಾರತ್‌ ಸಂಕಲ್ಪ ಯಾತ್ರೆ”ಯ ಅಂಗವಾಗಿ ದೇಶದ 3,156 ಗ್ರಾಮ ಪಂಚಾಯ್ತಿಗಳು ಹಾಗೂ ಜಿಲ್ಲಾ ಪಂಚಾಯ್ತಿಗಳಲ್ಲಿ ಇಲ್ಲಿಯವರೆಗೂ ಹಮ್ಮಿಕೊಂಡಿರುವ 65,345 ಆರೋಗ್ಯ ಶಿಬಿರಗಳಲ್ಲಿ ಒಟ್ಟು 1.03 ಕೋಟಿ ನಾಗರಿಕರಿಗೆ ಆರೋಗ್ಯ ತಪಾಸಣೆ ನಡೆಸಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಮಂಗಳವಾರ ತಿಳಿಸಿದೆ. ಫ‌ಲಾನುಭವಿಗಳಿಗೆ 19,03,200 ಆಯುಷ್ಮಾನ್‌ ಕಾರ್ಡ್‌ಗಳನ್ನು ವಿತರಿಸಲಾಗಿದೆ.

ಆರೋಗ್ಯ ಶಿಬಿರಗಳಲ್ಲಿ ಆಯುಷ್ಮಾನ್‌ ಆ್ಯಪ್‌ ಬಳಸಿಕೊಂಡು 5,31,025 ಆಯುಷ್ಮಾನ್‌ ಕಾರ್ಡ್‌ಗಳಿಗೆ ನೋಂದಾಯಿಸಲಾಗಿದೆ. ಇನ್ನೊಂದೆಡೆ, ಆರೋಗ್ಯ ಶಿಬಿರಗಳಲ್ಲಿ ಸುಮಾರು 81.15 ಲಕ್ಷ ಜನರನ್ನು ರಕ್ತದೊತ್ತಡ ಮತ್ತು ಸಕ್ಕರೆ ಕಾಯಿಲೆ ತಪಾಸಣೆಗೆ ಒಳಪಡಿಸಲಾಗಿದೆ ಎಂದು ಸಚಿವಾಲಯ ಮಾಹಿತಿ ನೀಡಿದೆ.