ದೇವೇಗೌಡರು ಕುಮಾರಸ್ವಾಮಿಯನ್ನೂ ನೆಮ್ಮದಿಯಾಗಿರಲು ಬಿಡುವುದಿಲ್ಲ:ಸೋಮಣ್ಣ

ತುಮಕೂರು: ದೇವೇಗೌಡರು ಕುಮಾರಸ್ವಾಮಿ ಸೇರಿದಂತೆ ಯಾರನ್ನೂ ನೆಮ್ಮದಿಯಾಗಿರಲು ಬಿಡುವುದಿಲ್ಲ.ಅದು ಅವರ ರಾಜಕೀಯದ ಸ್ಟೈಲ್‌ ಎಂದು ಬಿಜೆಪಿ ಶಾಸಕ ವಿ.ಸೋಮಣ್ಣ  ಹೇಳಿದ್ದಾರೆ. 

ಸಿದ್ಧಗಂಗಾ ಮಠದ ಬಳಿ ಸುದ್ದಿಗಾರರೊಂದಿಗೆ ಮಾತನಾಡಿದ ಸೋಮಣ್ಣ ನಾನು ಜೆಡಿಎಸ್‌ನಲ್ಲಿದ್ದವ , ದೇವೇಗೌಡರ ಗರಡಿಯಲ್ಲಿ ಬೆಳೆದವನು. ಅವರನ್ನು ಹತ್ತಿರದಿಂದಲೆ ನೋಡಿದವನು ಎಂದರು. 

ಬಿಎಸ್‌ವೈ ಅವರಿಗೆ ಅಧಿಕಾರ ತಪ್ಪಿಸಲು ರಾಷ್ಟ್ರೀಯ ಪಕ್ಷವಾದ ಕಾಂಗ್ರೆಸ್‌ ಪ್ರಾದೇಶಿಕ ಪಕ್ಷವಾದ ಜೆಡಿಎಸ್‌ ಜೊತೆ ಸೇರಿ ಷಡ್ಯಂತ್ರ ಮಾಡಿದ್ದಾರೆ. ಕಾಂಗ್ರೆಸ್‌ ಪಕ್ಷ ವನ್ನು ದೇವೇಗೌಡರು ನಿರಾಯುಧವಾಗಿಸಿದ್ದಾರೆ ಎಂದರು.