Advertisement
ಗೆದ್ದರೆ ದಕ್ಷಿಣ ವಲಯ 9ನೇ ಸಲ ದೇವಧರ್‌ ಟ್ರೋಫಿ ಚಾಂಪಿಯನ್‌ ಆಗಲಿದೆ. ಪೂರ್ವ ವಲಯ ಕೂಡ ಸಡ್ಡು ಹೊಡೆದು ನಿಂತಿದ್ದು, 6ನೇ ಬಾರಿಗೆ ದೇವಧರ್‌ ಟ್ರೋಫಿ ಎತ್ತಲು ಹವಣಿಸುತ್ತಿದೆ. ಲೀಗ್‌ ಹಂತದಲ್ಲಿ ಇತ್ತಂಡಗಳು ಮುಖಾಮುಖೀಯಾಗಿದ್ದಾಗ ದಕ್ಷಿಣ ವಲಯ 5 ವಿಕೆಟ್‌ಗಳ ಜಯ ಸಾಧಿಸಿತ್ತು. ದಕ್ಷಿಣ ವಲಯ ಕಳೆದ ತಿಂಗಳಷ್ಟೇ ಬೆಂಗಳೂರಿನಲ್ಲಿ ನಡೆದ ದುಲೀಪ್‌ ಟ್ರೋಫಿ ಪಂದ್ಯಾವಳಿಯಲ್ಲಿ ಚಾಂಪಿಯನ್‌ ಆಗಿ ಹೊರಹೊಮ್ಮಿತ್ತು. ಆಗ ಹನುಮ ವಿಹಾರಿ ತಂಡದ ನಾಯಕರಾಗಿದ್ದರು.
Related Articles
ಪೂರ್ವ ವಲಯ ರಿಯಾನ್‌ ಪರಾಗ್‌ ಅವರ ಆಲ್‌ರೌಂಡ್‌ ಪರಾಕ್ರಮವನ್ನು ಹೆಚ್ಚು ನೆಚ್ಚಿಕೊಂಡಿದೆ. 21 ವರ್ಷದ ಈ ಅಸ್ಸಾಮ್‌ ಆಟಗಾರ ಕೇವಲ 4 ಪಂದ್ಯ ಗಳಿಂದ 259 ರನ್‌ ಬಾರಿಸಿದ್ದಾರೆ. ಇದರಲ್ಲಿ 2 ಸ್ಫೋಟಕ ಶತಕಗಳು ಸೇರಿವೆ. ಆದರೆ ದಕ್ಷಿಣ ವಲಯದೆದುರಿನ ಲೀಗ್‌ ಪಂದ್ಯದಲ್ಲಿ ಪರಾಗ್‌ ಆಟ ನಡೆದಿರಲಿಲ್ಲ.
Advertisement
ಪೂರ್ವದ ಬೌಲಿಂಗ್‌ ವಿಭಾಗದಲ್ಲಿ ಸ್ಪಿನ್ನರ್‌ಗಳು ಮೇಲುಗೈ ಸಾಧಿಸಿದ್ದಾರೆ. ಎಡಗೈ ಸ್ಪಿನ್ನರ್‌ ಶಾಬಾಜ್‌ ಅಹ್ಮದ್‌ (10), ಲೆಗ್‌ಸ್ಪಿನ್ನರ್‌ ರಿಯಾನ್‌ ಪರಾಗ್‌ (9) ಜತೆಗೆ ಪೇಸ್‌ ಬೌಲರ್‌ ಮಣಿಶಂಕರ್‌ ಮುರುಗನ್‌ (8) ಕೂಡ ಮಿಂಚಿದ್ದಾರೆ. ಪಂದ್ಯ ಅಪರಾಹ್ನ 1.30ಕ್ಕೆ ಆರಂಭವಾಗಲಿದೆ.