ಕಂಬಾನೂರ ಹಂತಕರ ಬಂಧನಕ್ಕೆ ಒತ್ತಾಯ

ಶಹಾಬಾದ: ನಗರಸಭೆ ಮಾಜಿ ಅಧ್ಯಕ್ಷ ಗಿರೀಶ ಕಂಬಾನೂರ ಅವರನ್ನು ಕೊಲೆ ಮಾಡಿರುವ ದುಷ್ಕರ್ಮಿಗಳನ್ನು ಬಂಧಿಸಿ, ಅವರ ಕುಟುಂಬಕ್ಕೆ ಸೂಕ್ತ ರಕ್ಷಣೆ ಒದಗಿಸಬೇಕೆಂದು ಆಗ್ರಹಿಸಿ ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ ಹಾಗೂ ವಿವಿಧ ಸಮಾಜದ ಮುಖಂಡರ ವತಿಯಿಂದ ಮಂಗಳವಾರ ಅಂಬೇಡ್ಕರ್‌ ಪ್ರತಿಮೆ ಬಳಿ ಪ್ರತಿಭಟಿಸಿ ಡಿವೈಎಸ್‌ಪಿ ಉಮೇಶ ಚಿಕ್ಕಮಠ ಮುಖಾಂತರ ಎಸ್‌ಪಿಗೆ ಮನವಿ ಪತ್ರ ಸಲ್ಲಿಸಲಾಯಿತು.

ಕಾಂಗ್ರೆಸ್‌ ಪಕ್ಷದ ಅಧ್ಯಕ್ಷರಾದ ಡಾ| ಎಂ.ಎ.ರಶೀದ್‌, ಕೃಷ್ಣಪ್ಪ ಕರಣಿಕ, ಬಸವರಾಜ ಮಯೂರ, ಮಹಾದೇವ ನಾಲವಾರಕರ್‌, ತಿಪ್ಪಣ್ಣ ಧನ್ನೇಕರ, ಸಂತೋಷ ಬಂಡೇರ್‌, ಲಕ್ಷ್ಮಣ ತರನಳ್ಳಿ, ಮೀರ ಅಲಿ ನಾಗೂರೆ, ಮಲ್ಲಣ್ಣ ಕಾರೋಳ್ಳಿ, ಪ್ರವೀಣ ರಾಮಕೋಟೆ, ಹಣಮಂತ ಸಾಲಿ ಇನ್ನಿತರರು ಇದ್ದರು.