ಬಸ್‌ ತಂಗುದಾಣ ದುರಸ್ತಿಗೆ ಆಗ್ರಹ

ಶಹಾಬಾದ: ನಗರದಿಂದ ಜೇವರ್ಗಿಗೆ ಹೋಗುವ ಮಧ್ಯದ ಫೀರೋಜಾಬಾದ ವೃತ್ತದಲ್ಲಿನ ಬಸ್‌ ತಂಗುದಾಣದಲ್ಲಿ ಕೂಡುವ ಆಸನಗಳಿಲ್ಲ. ನೆಲ ಕುಸಿಯುವ ಹಂತಕ್ಕೆ ತಲುಪಿದೆ. ಆದ್ದರಿಂದ ಕೂಡಲೇ ದುರಸ್ತಿ ಮಾಡಬೇಕು ಎಂದು ಕಾಂಗ್ರೆಸ್‌ ಮುಖಂಡ ಪ್ರವೀಣ ರಾಜನ್‌ ಆಗ್ರಹಿಸಿದ್ದಾರೆ.

ಕೆಲವೇ ವರ್ಷಗಳ ಹಿಂದೆ ನಿರ್ಮಿಸಿದ ತಂಗುದಾಣ ಕಳಪೆ ಮಟ್ಟದ ಕಾಮಗಾರಿಯಿಂದ ಬೀಳುವ ಹಂತದಲ್ಲಿದೆ. ಆಸನಗಳು ಕಳಚಿ ಬಿದ್ದಿವೆ. ನೆಲ ಕುಸಿಯುವ ಹಂತದಲ್ಲಿದೆ. ಇದರಿಂದ ಪ್ರಯಾಣಿಕರು ನೆಲದಲ್ಲೇ ಕುಳಿತುಕೊಳ್ಳುವಂತ ಪರಿಸ್ಥಿತಿ ನಿರ್ಮಾಣವಾಗಿದೆ. ಸಂಬಂಧಿಸಿದ ಅಧಿಕಾರಿಗಳು ಶೀಘ್ರ ತಂಗುದಾಣವನ್ನು ದುರಸ್ತಿ ಗೊಳಿಸಬೇಕು. ಇಲ್ಲದಿದ್ದರೆ ಹೊಸ ತಂಗುದಾಣ ನಿರ್ಮಿಸಬೇಕು ಎಂದು ಆಗ್ರಹಿಸಿದ್ದಾರೆ.