ದಿಲ್ಲಿಯಲ್ಲಿ 2048ರ ಒಲಿಂಪಿಕ್ಸ್‌ : ಉಪಮುಖ್ಯಮಂತ್ರಿ ಮನೀಷ್ ಸಿಸೋಡಿಯ ಕನಸು

ಹೊಸದಿಲ್ಲಿ: ದಿಲ್ಲಿ ಉಪಮುಖ್ಯಮಂತ್ರಿ ಮನೀಷ್‌ ಸಿಸೋಡಿಯ ತಮ್ಮ ಬೃಹತ್‌ ಕನಸೊಂದನ್ನು ತೆರೆದಿಟ್ಟಿದ್ದಾರೆ. ಕೇಂದ್ರ ಸರಕಾರ ಭಾರತದಲ್ಲಿ ಒಲಿಂಪಿಕ್ಸ್‌ ನಡೆಸುವ ಬಗ್ಗೆ ಚಿಂತನೆ ನಡೆಸುತ್ತಿರುವಾಗಲೇ, ರಾಜಧಾನಿಯಲ್ಲಿ 2048ರ ಒಲಿಂಪಿಕ್ಸ್‌ ಆಯೋಜಿಸುವ ಕನಸು ಹೊಂದಿದ್ದೇವೆಂದು ಪ್ರಕಟಿಸಿದ್ದಾರೆ.

“1896ರಂದು ಏಥೆನ್ಸ್‌ನಲ್ಲಿ ಒಲಿಂಪಿಕ್ಸ್‌ ಆರಂಭವಾದಾಗಿನಿಂದ ಇಲ್ಲಿಯವರೆಗೆ ಒಮ್ಮೆಯೂ ಈ ಕ್ರೀಡಾಕೂಟ ನಮ್ಮಲ್ಲಿ ನಡೆದಿಲ್ಲ. ಇದನ್ನು ಭಾರತಕ್ಕೆ ತರಲು ನಾವು ನಿರ್ಧರಿಸಿದ್ದೇವೆ. 2048 ಬಹಳ ದೂರದ ಮಾತಾದರೂ, ಇದಕ್ಕೆ ದೊಡ್ಡ ಮಟ್ಟದ ಪೂರ್ವಸಿದ್ಧತೆ ಆರಂಭಿಸಬೇಕಾಗುತ್ತದೆ. 2048ರ ಕೂಟಕ್ಕೂ 10 ವರ್ಷ ಮುನ್ನ ಒಲಿಂಪಿಕ್ಸ್‌ ಆಯೋಜಿಸಲು ಅರ್ಜಿ ಸಲ್ಲಿಸಬೇಕಾಗುತ್ತದೆ. ಅದಕ್ಕೂ 15 ವರ್ಷಗಳ ಮೊದಲೇ ಮೂಲಭೂತ ಸೌಕರ್ಯ ನಿರ್ಮಾಣಕ್ಕೆ ಕ್ರಮ ತೆಗೆದು ಕೊಳ್ಳಬೇಕು. ಎಲ್ಲ ಕಡೆಗೆ ಕ್ರೀಡಾ ವಾತಾವರಣ ನಿರ್ಮಿಸಬೇಕು. ನಮ್ಮ ಕ್ರೀಡಾಪಟುಗಳನ್ನು ವಿಶ್ವದರ್ಜೆಗೆ ತಕ್ಕಂತೆ ಸಿದ್ಧಪಡಿಸಬೇಕು’ ಎಂದು ಸಿಸೋಡಿಯ ಹೇಳಿದ್ದಾರೆ.

2048ರಂದು ನಡೆಯುವುದು 39ನೇ ಒಲಿಂಪಿಕ್ಸ್‌ ಆಗಿರಲಿದೆ.

ಇದನ್ನೂ ಓದಿ :ಐಸಿಸಿ ಸಿಇಒ ಸ್ಥಾನ ಕಳೆದುಕೊಳ್ಳುವ ಭೀತಿಯಲ್ಲಿ ಮನು ಸಾಹ್ನಿ