ಮಕ್ಕಳ ಕಳ್ಳರೆಂಬ ಶಂಕೆ: ಹಲ್ಲೆಯಿಂದ ಪಾರಾದ 6 ಆಫ್ರಿಕನ್‌ಗಳು

ಹೊಸದಿಲ್ಲಿ : ಮಕ್ಕಳ ಅಪಹರಣಕಾರರೆಂಬ ಶಂಕೆಯಲ್ಲಿ ಉದ್ರಿಕ್ತ ಗುಂಪೊಂದರ ದಾಳಿಗೆ ಸಿಲುಕಲಿದ್ದ ಆರು ಮಂದಿ ಆಫ್ರಿಕ ಪ್ರಜೆಗಳನ್ನು ದಿಲ್ಲಿ ಪೊಲೀಸರು ನಿನ್ನೆ ಗುರುವಾರ ರಾತ್ರಿ ದಿಲ್ಲಿಯ ದ್ವಾರಕಾ ಪ್ರದೇಶದಲ್ಲಿ ಪಾರು ಮಾಡಿದ್ದಾರೆ. 

ಗುಂಪು ಹಿಂಸೆಯಿಂದ ಪಾರಾದವರಲ್ಲಿ ನಾಲ್ವರು ತಾಂಜಾನಿಯಾದವರು ಮತ್ತು ಇಬ್ಬರು ನೈಜೀರಿಯದವರು. 

ಈ ಆಫ್ರಿಕನ್‌ ಪ್ರಜೆಗಳು ಮಕ್ಕಳ ಕಳ್ಳರೆಂದು ಶಂಕಿಸಿ ಹಲ್ಲೆ ಮಾಡಲಾಗುತ್ತಿದೆ ಎಂಬ ಬಗ್ಗೆ ದ್ವಾರಕಾ ಉತ್ತರ ಪೊಲೀಸರಿಗೆ ಫೋನ್‌ ಬಂದಿತ್ತು. ಒಡನೆಯೇ ಅವರು ಸ್ಥಳಕ್ಕೆ ಧಾವಿಸಿ ಹಿಂಸೆಗೆ ಬಲಿಯಾಗುವುದನ್ನು ತಪ್ಪಿಸಿದರು ಎಂದು ವರದಿಗಳು ತಿಳಿಸಿವೆ.