ಜನರ ಬ್ಯಾಂಕ್ ಖಾತೆಗಳಿಗೆ ಕನ್ನ ಹಾಕುತ್ತಿದ್ದವನ ಬಂಧನ

ಹೊಸದಿಲ್ಲಿ: ಜನರ ಬ್ಯಾಂಕ್ ಖಾತೆಯಿಂದ ಕಳ್ಳದಾರಿಯಲ್ಲಿ ಹಣ ಕದಿಯುತ್ತಿದ್ದ ರೋಮಾನಿಯಾದ ಪ್ರಜೆಯೋರ್ವನನ್ನು ದೆಹಲಿ ಪೊಲೀಸರು ಬಂಧಿಸಿದ್ದಾರೆ.

ಬಂಧಿತ ರೋಮಾನಿಯಾ ಪ್ರಜೆಯನ್ನು ಸಿಲಿವುಯು ಫ್ಲೋರಿನ್ ಸ್ಪಿರಿಡಾನ್ ಎಂದು ಗುರುತಿಸಲಾಗಿದೆ.

ಈತನ ಮೇಲೆ ಕೋಲ್ಕತ್ತಾದ ಜನರ ಬ್ಯಾಂಕ್ ಖಾತೆಗಳಿಗೆ ಕನ್ನ ಹಾಕುತ್ತಿದ್ದ ಎಂಬ ಆರೋಪವಿದೆ.

ಈತ ಬಳಿಯಿಂದ ಸ್ಕಿಮ್ಮಿಂಗ್ ಸಾಧನಗಳು, ಮ್ಯಾಗ್ನೆಟಿಕ್ ಚಿಪ್ ಗಳು, ಬ್ಯಾಟರಿಗಳು, ಪಿನ್ ಹೋಲ್ ಕ್ಯಾಮರಾಗಳು ಮುಂತಾದವುಗಳನ್ನು ವಶಪಡಿಸಲಾಗಿದೆ.

ಬಂಧಿತ ಸಿಲಿಯುವು ತಪ್ಪೋಪ್ಪಿಕೊಂಡಿದ್ದು, ಮುಂದಿನ ವಿಚಾರಣೆ ನಡೆಸಲಾಗುವುದು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.