ದೆಹಲಿಯಲ್ಲಿ ಹೆಚ್ಚುತ್ತಿರುವ ವಾಯು ಮಾಲಿನ್ಯ : ಆಸ್ಪತ್ರೆಗಳು ಫುಲ್

ನವದೆಹಲಿ: ದೆಹಲಿಯಲ್ಲಿ ವಾಯು ಮಾಲಿನ್ಯ ಹೆಚ್ಚಿರುವುದರಿಂದಾಗಿ ಜನರಲ್ಲಿ ಉಸಿರಾಟ ಸಮಸ್ಯೆ ಹೆಚ್ಚಲಾರಂಭಿಸಿದ್ದು, ಆಸ್ಪತ್ರೆ ಸೇರುತ್ತಿರುವವರ ಸಂಖ್ಯೆಯಲ್ಲಿ ಶೇ. 30-40 ಏರಿಕೆಯಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.

“ಪ್ರತಿದಿನ 25-30 ಜನ ಉಸಿರಾಟ ತೊಂದರೆ ಹೇಳಿಕೊಂಡು ಆಸ್ಪತ್ರೆಗೆ ಬರುತ್ತಿದ್ದಾರೆ. ಅದರಲ್ಲಿ ಕನಿಷ್ಠ 3-4 ಮಂದಿ ಗಂಭೀರವಾಗಿ ಬಳಲುತ್ತಿರುತ್ತಾರೆ’ ಎಂದು ಫೋರ್ಟಿಸ್‌ ಆಸ್ಪತ್ರೆ ವೈದ್ಯ ವಿಕಾಸ್‌ ಮೌರ್ಯ ಹೇಳಿದ್ದಾರೆ.

ಭಾನುವಾರ ವಾಯು ಗುಣಮಟ್ಟ “ಗಂಭೀರ’ದಿಂದ “ಅತ್ಯಂತ ಕಳಪೆ’ ಕೆಟಗರಿಗೆ ಇಳಿದಿದೆ. ಇದೇ ವೇಳೆ, ಹರ್ಯಾಣದ ಫ‌ರಿದಾಬಾದ್‌, ಗುರುಗ್ರಾಮ, ಸೋನಿಪತ್‌ ಮತ್ತು ಝಜ್ಜರ್‌ ಜಿಲ್ಲೆಯಲ್ಲಿ ಸೋಮವಾರದಿಂದ 17ರವರೆಗೆ ಶಾಲಾ ಕಾಲೇಜುಗಳನ್ನು ತೆರೆಯದಂತೆ ಆದೇಶಿಸಲಾಗಿದೆ. ನಿರ್ಮಾಣ ಕಾಮಗಾರಿಯನ್ನೂ ನಿರ್ಬಂಧಿಸಲಾಗಿದೆ.

ಇದನ್ನೂ ಓದಿ : ಪ್ರಸಾದ ಭೋಜನದಿಂದ ಅನಾರೋಗ್ಯ ; 50 ದಾಟಿದ ಒಳರೋಗಿಗಳ ಸಂಖ್ಯೆ