ಆರೋಪಿ ಮುರ್ತಾಜಾ ಅಬ್ಟಾಸಿಗೆ ಜಕೀರ್‌ ನಾಯ್ಕ ರೋಲ್‌ ಮಾಡೆಲ್‌!

ಲಕ್ನೋ: ಉತ್ತರ ಪ್ರದೇಶದ ಗೋರಖ್‌ಪುರದ ಗೋರಖ್‌ನಾಥ ದೇಗುಲದ ಭದ್ರತಾ ಸಿಬಂದಿ ಮೇಲೆ ಹಲ್ಲೆ ನಡೆಸಿರುವ ಪ್ರಕರಣದ ಆರೋಪಿಯಾಗಿರುವ ಮುರ್ತಾಜಾ ಅಬ್ಟಾಸಿಯ ಬಗ್ಗೆ ಅನೇಕ ಆಶ್ಚರ್ಯಕರ ವಿಷಯಗಳು ಇದೀಗ ಹೊರಬಿದ್ದಿವೆ.

2016ರಲ್ಲೇ ಭಾರತ ಬಿಟ್ಟು ಓಡಿ ಹೋಗಿರುವ ಇಸ್ಲಾಮಿಕ್‌ ಬೋಧಕ ಜಕೀರ್‌ ನಾಯ್ಕ ಈ ಅಬ್ಟಾಸಿಗೆ ರೋಲ್‌ ಮಾಡೆಲ್‌ ಆಗಿದ್ದನಂತೆ !

ಅಬ್ಟಾಸಿಯ ಮನೆಯಿಂದ ವಶಪಡಿಸಿಕೊಳ್ಳಲಾಗಿರುವ ಲ್ಯಾಪ್‌ಟಾಪ್‌ ಮತ್ತು ಮೊಬೈಲ್‌ನಲ್ಲಿ ಜಕೀರ್‌ ನಾಯ್ಕ ಉಪನ್ಯಾಸಗಳ ವೀಡಿಯೋಗಳು ಇದ್ದವು ಎಂದು “ಇಂಡಿಯಾ ಟಿವಿ’ ವರದಿ ಮಾಡಿದೆ.

ಇದನ್ನೂ ಓದಿ:ಐಪಿಎಲ್‌: ರಾಜಸ್ಥಾನ್‌ ರಾಯಲ್ಸ್‌ ವಿರುದ್ಧ ಆರ್‌ಸಿಬಿಗೆ ರೋಚಕ ಜಯ

ಅದರಲ್ಲಿ ಐಸಿಸ್‌ ಸಂಘಟನೆಯ ವೀಡಿಯೋಗಳು, ಸಿರಿಯಾ, ಜಿಹಾದಿ ವಿಡಿಯೋಗಳೂ ಇದ್ದವು. ಭದ್ರತಾ ಪಡೆಯೊಂದಿಗೆ ಹೋರಾಡಿ ಸತ್ತರೆ ನಾವು ಹುತಾತ್ಮರಾಗುತ್ತೇವೆ ಎಂದು ಆತ ನಂಬಿದ್ದ ಎಂದು ವರದಿಯಲ್ಲಿ ಹೇಳಲಾಗಿದೆ. ಅಬ್ಟಾಸಿ ಬಗ್ಗೆ ಉ.ಪ್ರ. ಎಟಿಎಸ್‌ ಕೂಡಾ ತನಿಖೆ ನಡೆಸುತ್ತಿದೆ.