Deepika Padukone: ದಿಲ್ಜಿತ್‌ ದೊಸಾಂಜ್ ಗೆ ಕನ್ನಡ ಕಲಿಸಿದ ದೀಪಿಕಾ

ಇತ್ತೀಚೆಗೆ ಬೆಂಗಳೂರಿನಲ್ಲಿ ಗಾಯಕ ದಿಲ್ಜಿತ್‌ ದೊಸಾಂಜ್‌ ಅವರ ಸಂಗೀತ ಕಾರ್ಯಕ್ರಮ ಏರ್ಪಟ್ಟಿತ್ತು. ಸದ್ಯ ಆ ಕಾರ್ಯಕ್ರಮದ ವಿಡಿಯೋ ತುಣುಕೊಂದು ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ.

ಅಂಥದ್ದೇನು ವಿಶೇಷ ಎನ್ನುತ್ತೀರಾ… ವಿಶೇಷವಿದೆ. ಕಾರ್ಯಕ್ರಮದ ಮಧ್ಯೆ ನಟಿ ದೀಪಿಕಾ ಪಡುಕೋಣೆ ಪ್ರೇಕ್ಷಕರ ಮುಂದೆ ಆಗಮಿಸಿದ್ದು, ಅಲ್ಲಿ ನೆರೆದಿದ್ದ ಸಾವಿರು ಜನರಿಗೆ ಅಚ್ಚರಿ ಮೂಡಿಸಿತ್ತು. ನೆಚ್ಚಿನ ನಟಿಯನ್ನು ನೋಡಿ ಅಭಿಮಾನಿಗಳ ಶಿಳ್ಳೆ, ಕೂಗಾಟಗಳು ಮತ್ತಷ್ಟು ಹೆಚ್ಚಾದವು.

ಇದೇ ವೇಳೆ, ಗಾಯಕ ದಿಲ್ಜಿತ್‌ಗೆ ದೀಪಿಕಾ ಕನ್ನಡದ ಮಾತೊಂದನ್ನು ಹೇಳಿಕೊಟ್ಟರು. “ನಾನು ನಿಮಗೆ ಪ್ರೀತಿಸುತ್ತೇನೆ’ ಎಂದು ದೀಪಿಕಾ ದಿಲ್ಜಿತ್‌ಗೆ ಹೇಳಿಕೊಟ್ಟಾಗ, ನೆರೆದಿದ್ದ ಪ್ರೇಕ್ಷಕರು ಅವರ ಮಾತಿನಲ್ಲಿ ಕನ್ನಡ ಪದಗಳನ್ನು ಕೇಳಿ ಮತ್ತಷ್ಟು ಖುಷಿ ಪಟ್ಟರು.