ಪ್ರಧಾನಿ ಭೇಟಿಯಾದ ದಿಲ್ಜೀತ್‌ ವಿರುದ್ಧ ರೈತರ ಆಕ್ರೋಶ

ನವದೆಹಲಿ: ಹೊಸ ವರ್ಷದ ಪ್ರಯುಕ್ತ ಬುಧವಾರ ಪ್ರಧಾನಿ ಮೋದಿ ಅವರನ್ನು ಭೇಟಿಯಾಗಿದ್ದ ಪಂಜಾಬಿ ಗಾಯಕ ದಿಲ್ಜೀತ್‌ ದೊಸಾಂಜ್‌ ವಿರುದ್ಧ ಪಂಜಾಬ್‌ನ ಪ್ರತಿಭಟನನಿರತ ರೈತ ಮುಖಂಡರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ರೈತ ಹೋರಾಟಕ್ಕೆ ಈ ಹಿಂದೆ ಬೆಂಬಲಿಸಿದ್ದ ದಿಲ್ಜೀತ್‌, ಶಂಭು ಗಡಿಗೆ ಬಂದು ನಮ್ಮ ಸಮಸ್ಯೆಗಳನ್ನು ಆಲಿಸಬಹುದಾಗಿತ್ತು. ಅದರ ಬದಲಾಗಿ ಪ್ರಧಾನಿಯವರನ್ನು ಭೇಟಿ ಮಾಡಿದ್ದರಿಂದ ಅವರ ಉದ್ದೇಶ‌ ಕುರಿತು ನಮಗೆ ಅನುಮಾನ ಉಂಟಾಗಿದೆ ಎಂದು ಹೇಳಿದ್ದಾರೆ.