ಬೆಂಗಳೂರು : ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ‘ಇಂದಿರಾನಗರ ಗೂಂಡಾ’ನ ಹವಾ ಜೋರಾಗಿದೆ. ಎಲ್ಲಿ ನೋಡಿದಲ್ಲಿಯೂ ಈತನದೇ ಹೆಸರು ಕೇಳಿ ಬರುತ್ತಿದೆ. ಇದೀಗ ಇಂದಿರಾನಗರದ ಗೂಂಡಾ ಜತೆ ಗುಂಡಿ ಕೂಡ ಸೇರಿಕೊಂಡಿದ್ದಾಳೆ.
ಇತ್ತೀಚೆಗೆ ನೀವು ರಾಹುಲ್ ದ್ರಾವಿಡ್ ನಟಿಸಿರುವ ಒಂದು ಜಾಹೀರಾತನ್ನು ಗಮನಿಸಿರಬಹುದು. ಕ್ರೆಡ್ ಎಂಬ ಕ್ರೆಡಿಟ್ ಕಾರ್ಡ್ ಬಿಲ್ ನಿರ್ವಹಣೆಯ ಅಪ್ಲಿಕೇಶನ್ನ ಆ್ಯಡ್ ಇದು. ನಿಜ ಜೀವನದಲ್ಲಿ ಸದಾ ಕೂಲ್ ಅಂಡ್ ಕೂಲ್ ಆಗಿರುವ ರಾಹುಲ್ ದ್ರಾವಿಡ್ ಈ ಆ್ಯಡ್ನಲ್ಲಿ ಬೇರೆಯೇ ಮುಖವನ್ನ ಪ್ರದರ್ಶಿಸುತ್ತಾರೆ.
ಬೆಂಗಳೂರಿನ ಅತೀವ ಕಿರಿಕಿರಿಯ ಟ್ರಾಫಿಕ್ನಲ್ಲಿ ತಾಳ್ಮೆಗೆಟ್ಟು ಹುಚ್ಚಾಟಗಳನ್ನ ಆಡುವ ದೃಶ್ಯಗಳಿವೆ. ತನ್ನ ಕಾರಿನ ಬಳಿ ಇದ್ದ ಬೇರೊಂದು ಕಾರಿಗೆ ಪಾನೀಯ ಎರಚಿ ವಾರ್ನಿಂಗ್ ಕೊಡುತ್ತಾರೆ. ಬ್ಯಾಟಿಂದ ಬೇರೆ ಕಾರಿಗೆ ಚಚ್ಚುತ್ತಾರೆ. ಮನಬಂದಂತೆ ಹಾರ್ನ್ ಮಾಡುತ್ತಾರೆ. ಹೊಡೆದಾಕಿ ಬಿಡ್ತೀನಿ ಅಂತ ಬೇರೆಯವರಿಗೆ ಎಚ್ಚರಿಕೆ ಕೊಡುತ್ತಾರೆ. ಕೈಯಲ್ಲಿ ಬ್ಯಾಟ್ ಹಿಡಿದು ಕಾರಿನ ಮೇಲೆ ನಿಂತು ನಾನು ಇಂದಿರಾ ನಗರದ ಗೂಂಡಾ ಎಂದು ಅರಚುತ್ತಾರೆ. ರಾಹುಲ್ ದ್ರಾವಿಡ್ ಅವರ ಈ ಕ್ರೆಡ್ ಜಾಹೀರಾತಿಗೆ ಬೆರಗಾಗದವರೇ ಇಲ್ಲ.
ಕ್ರಿಕೆಟ್ ಗೋಡೆ ಎಂದು ಕರೆಯಿಸಿಕೊಳ್ಳುವ ರಾಹುಲ್ ದ್ರಾವಿಡ್ ಅವರು ‘ಇಂದಿರಾ ನಗರದ ಗೂಂಡಾ’ ಹೆಸರು ಸಖತ್ ಸಂಚಲನ ಮೂಡಿಸುತ್ತಿದೆ. ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಸೇರಿದಂತೆ ಕ್ರೀಡಾ ತಾರೆಯರು ಹಾಗೂ ಚಿತ್ರತಂರದ ಸೆಲೆಬ್ರಿಟಿಗಳು ರಾಹುಲ್ ದ್ರಾವಿಡ್ ಅವರು ಈ ಹೊಸ ಅವತಾರಕ್ಕೆ ರಿಯಾಕ್ಟ್ ಮಾಡಿದ್ದಾರೆ. ಇದೀಗ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಪ್ರತಿಕ್ರಿಯಿಸಿದ್ದಾರೆ.
ಇಂದು ತಮ್ಮ ಬಾಲ್ಯದ ಫೋಟೊವೊಂದನ್ನು ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ದೀಪಿಕಾ, ನಾನು ‘ಇಂದಿರಾ ನಗರದ ಗುಂಡಿ’ ಎಂದು ಕಾಮೆಂಟ್ ಮಾಡಿದ್ದಾರೆ.
