ವಿಶ್ವದ ಸುಂದರ ಮಹಿಳೆಯರ ಪಟ್ಟಿಯಲ್ಲಿ ಬಾಲಿವುಡ್‌ ಬೆಡಗಿ ದೀಪಿಕಾ ಪಡುಕೋಣೆ

ಮುಂಬೈ: ವಿಶ್ವದ ಟಾಪ್‌ 10 ಅತಿ ಸುಂದರ ಮಹಿಳೆಯರ ಪಟ್ಟಿಯಲ್ಲಿ ಬಾಲಿವುಡ್‌ ಬೆಡಗಿ ದೀಪಿಕಾ ಪಡುಕೋಣೆ ಸ್ಥಾನ ಪಡೆದಿದ್ದಾರೆ.

ಯುನೈಟೆಡ್‌ ಕಿಂಗ್‌ಡಂನ ವಿಜ್ಞಾನಿ ಡಾ.ಜುಲಿಯನ್‌ ಡೇ ಸಿಲ್ವಾ ಅವರು ಗ್ರೀಕ್‌ನ ಪುರಾತನ ತಂತ್ರವಾದ “ಗೋಲ್ಡನ್‌ ರೇಷಿಯಾ ಆಫ್ ಬ್ಯೂಟಿ’ ಬಳಸಿಕೊಂಡು ವಿಶ್ವದ ಸುಂದರ ಮಹಿಳೆಯರ ಪಟ್ಟಿ ತಯಾರಿಸಿದ್ದಾರೆ.

ಮುಖದ ಆಕಾರ ಮತ್ತು ಮೂಗು, ತುಟಿ, ಕಣ್ಣು, ಕಿವಿಗಳಿರುವ ಸ್ಥಾನವನ್ನು ಆಧರಿಸಿ ಈ ಪಟ್ಟಿ ಸಿದ್ಧವಾಗಿದೆ. ಪಟ್ಟಿಯಲ್ಲಿ ಹಾಲಿವುಡ್‌ ನಟಿ ಜೋಡಿ ಕೋಮರ್‌ ಮೊದಲ ಸ್ಥಾನದಲ್ಲಿದ್ದಾರೆ. ಅವರ ಮುಖ ಶೇ.98.7ರಷ್ಟು ಪರಿಪೂರ್ಣ ಆಕಾರ ಹೊಂದಿದೆಯಂತೆ.

ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿರುವ ದೀಪಿಕಾ ಅವರ ಮುಖ ಶೇ.91.22ರಷ್ಟು ಪರಿಪೂರ್ಣವಾಗಿದೆ ಎಂದು ವಿಜ್ಞಾನಿ ತಿಳಿಸಿದ್ದಾರೆ.