ಅತ್ತೆಯ ಮನೆ ನನಗೆ ಕೊಡಿ: ಜಯಲಲಿತಾ ನಿವಾಸದೆದುರು ದೀಪಾ ಹೈಡ್ರಾಮಾ!

ಚೆನ್ನೈ: ತಮಿಳು ನಾಡಿನ ಮಾಜಿ ಮುಖ್ಯಮಂತ್ರಿ ಜೆ ಜಯಲಲಿತಾ ಅವರ ಸಹೋದರ, ದಿ. ಜಯಕುಮಾರ್‌ ಪುತ್ರಿ ಅವರು ಭಾನುವಾರ ಜಯಲಲಿತಾ ಅವರ ನಿವಾಸದ ಎದುರು ಹೈಡ್ರಾಮಾ ಸೃಷ್ಟಿಸಿದ ಘಟನೆ ನಡೆದಿದೆ. 

 ದೀಪಾ ಜಯಕುಮಾರ್‌ ಅವರು ಸಹೋದರರ ದೀಪಕ್‌ ಜಯಕುಮಾರ್‌ ಮತ್ತು ಬೆಂಬಲಿಗರೊಂದಿಗೆ ಜಯಲಲಿತಾ ಅವರ ಪೋಯಸ್‌ ಗಾರ್ಡನ್‌ ನಲ್ಲಿರುವ ವೇದಿ ನಿವಾಸಂಗೆ  ಆಗಮಿಸಿ ನನ್ನ ಅತ್ತೆಯ ಆಸ್ತಿ ನನಗೆ ಸೇರಬೇಕಾದದ್ದು ಕೊಡಿ ಎಂದು ಕೇಳಿದ್ದಾರೆ. ಈ ವೇಳೆ ಮನೆಯ ಕಾವಲಿಗಿದ್ದ ಖಾಸಗಿ ಭದ್ರತಾ ಸಿಬಂದಿ ದೀಪಾ ಅವರನ್ನು ತಡೆದಿದ್ದಾರೆ.

ಮಾಧ್ಯಮಗಳೆದುರು ಮಾತನಾಡಿದ ದೀಪಾ ನನ್ನ ಅತ್ತೆಯ ಮನೆ ನನಗೆ ಸೇರಬೇಕಾದುದ್ದು ಎಂದಿದ್ದಾರೆ. ಘಟನೆಯ ಬಳಿಕ ಮನೆಗೆ ಪೊಲೀಸ್‌ ಭದ್ರತೆ ಹೆಚ್ಚಿಸಲಾಗಿದೆ. ಶಶಿಕಲಾ ಅವರು ಜೈಲುಪಾಲಾದ ಬಳಿಕ ಮನೆ ಖಾಲಿಯಾಗಿದೆ. 

ಲಂಡನ್‌ನಲ್ಲಿ ಶಿಕ್ಷಣ ಪಡೆದ 42ರ ಹರೆಯದ ದೀಪಾ ಅವರು  ರಾಜಕೀಯ ರಂಗಪ್ರವೇಶದೊಂದಿಗೆ, ತಮಿಳು ನಾಡಿನ ಮಾಜಿ ಮುಖ್ಯಮಂತ್ರಿ ಜೆ ಜಯಲಲಿತಾ ಅವರ ಬಳುವಳಿಗಾಗಿ  ಸಮರವನ್ನೇ  ಆರಂಭಿಸಿದ್ದಾರೆ.