ಬಡ್ಡಿ ವಿನಾಯಿತಿ: ಸುಪ್ರೀಂ ತೀರ್ಪು ಅನುಷ್ಠಾನದಿಂದ 2 ಸಾವಿರ ಕೋಟಿ ರೂ. ಹೊರೆ

ನವದೆಹಲಿ: ಬ್ಯಾಂಕ್‌ಗಳಲ್ಲಿ ಸಾಲ ಮಾಡಿದವರಿಗೆ ಬಡ್ಡಿಯ ಮೇಲೆ ಬಡ್ಡಿ ವಿಧಿಸುವುದರಿಂದ ವಿನಾಯಿತಿ ನೀಡಬೇಕು ಎಂದು ಇತ್ತೀಚೆಗೆ ಸುಪ್ರೀಂಕೋರ್ಟ್‌ ತೀರ್ಪು ನೀಡಿತ್ತು. ಅದನ್ನು ಅನುಷ್ಠಾನ ಮಾಡುವುದರಿಂದ 1,800 ಕೋಟಿ ರೂ.ಗಳಿಂದ 2 ಸಾವಿರ ಕೋಟಿ ರೂ.ಗಳ ವರೆಗೆ ಹೆಚ್ಚುವರಿಯಾಗಿ ವಿತ್ತೀಯ ಹೊರೆ ಅನುಭವಿಸಲಿವೆ. ಹೀಗಾಗಿ, ನೆರವು ನೀಡುವಂತೆ ಭಾರತೀಯ ಬ್ಯಾಂಕಿಂಗ್‌ ಒಕ್ಕೂಟ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿದೆ.

ಕೊರೊನಾ ಹಿನ್ನೆಲೆಯಲ್ಲಿ 2020ರ ಮಾರ್ಚ್‌ನಿಂದ ಆಗಸ್ಟ್‌ ವರೆಗೆ ಸಾಲದ ಕಂತು ಪಾವತಿ ಮಾಡದಂತೆ ಬ್ಯಾಂಕ್‌ಗಳು ವಿನಾಯಿತಿ ನೀಡಿದ್ದವು. ಬ್ಯಾಂಕಿಂಗ್‌ ಕ್ಷೇತ್ರದ ಮೂಲಗಳ ಪ್ರಕಾರ ಆರಂಭದಲ್ಲಿ ಶೇ.60 ಮಂದಿ ಗ್ರಾಹಕರು ಸಾಲದ ಕಂತು ಪಾವತಿಸದೇ ಇರುವುದನ್ನು ಆಯ್ಕೆ ಮಾಡಿದ್ದರು. ಲಾಕ್‌ಡೌನ್‌ ತೆರವುಗೊಳಿಸಿದ ಬಳಿಕ ಕೇಂದ್ರ ಸರ್ಕಾರ ಪ್ರಕಟಿಸಿದ ಸೌಲಭ್ಯವನ್ನು ಪಡೆಯುವ ಗ್ರಾಹಕರ ಪ್ರಮಾಣ ಶೇ.40ಕ್ಕೆ ಕುಸಿದವು. ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕ್‌ಗಳಲ್ಲಿನ ಕಾರ್ಪೊರೇಟ್‌ ಸಾಲಕ್ಕೆ ಸಂಬಂಧಿಸಿದಂತೆ ವಿನಾಯಿತಿ ಬಯಸಿದ್ದು ಕೇವಲ ಶೇ.25 ಮಂದಿ ಮಾತ್ರ.

ಇದನ್ನೂ ಓದಿ :ಮಹಿಳಾ ಸಹಪಾಠಿಗೆ ಲೈಂಗಿಕ ಕಿರುಕುಳ: ಐಐಟಿ ವಿದ್ಯಾರ್ಥಿ ಬಂಧನ