ಇಳಿಮುಖವಾದ ಕಪಿಲೆಯ ಅಬ್ಬರ

ನಂಜನಗೂಡು: ಕಬಿನಿ ಜಲಾಶಯದಿಂದ ಬಿಡುತ್ತಿರುವ ನೀರಿನ ಪ್ರಮಾಣ ಕಡಿಮೆಯಾಗಿದ್ದು  ಇದರಿಂದಾಗಿ ಕಪಿಲೆಯ ಅಬ್ಬರ ಸ್ವಲ್ಪ ಇಳಿಮುಖವಾಗುತ್ತಿದೆ. ಗುರುವಾರ ನೀರಿನ ಹರಿವು ಹೆಚ್ಚಿ ತಾಲೂಕಿನ ಜನತೆ ತತ್ತರಿಸುವಂತೆ ಮಾಡಿತ್ತು. 

 ಶುಕ್ರವಾರ ಜಲಾಶಯದ ಒಳ ಹರಿವು ಕಡಿಮೆಯಾದ ಕಾರಣ 5000 ಕ್ಯೂಸೆಕ್‌ ನೀರನ್ನು ಕಡಿಮೆಗೊಳಿಸಿ ಹೊರಕ್ಕೆ ಬಿಡಲಾಗುತ್ತಿದೆ.

ಇದರಿಂದ ಅಪಾಯಂದ ಅಂಚಿನಲ್ಲಿದ್ದ ಕಪಿಲಾ ನದಿ ತೀರದ ತಗ್ಗು ಪ್ರದೇಶಗಳ ಜನತೆ ನಿಟ್ಟುಸಿರು ಬಿಡುವಂತಾಗಿದೆ. ಶ್ರೀಕಂಠೇಶ್ವರ ದೇವಾಲಯದ ಗಿರಿಜಾ ಕಲ್ಯಾಣ ಮಂದಿರದಲ್ಲಿ ತೆರೆಯಲು ಉದ್ದೇಶಿಸಿದ್ದ ಸಂತ್ರಸ್ತರ ಕೇಂದ್ರ ಈಗ ಸ್ಥಗಿತಗೊಂಡಿದೆ ಎಂದು ತಾಲೂಕು ಆಡಳಿತ ತಿಳಿಸಿದೆ.