Declare; ರೋಹಿತ್‌ ಶರ್ಮ ನಿರ್ಧಾರ ಸರಿಯಾಗಿಯೇ ಇತ್ತು: ಪಂತ್‌

ಚೆನ್ನೈ: ಚೆನ್ನೈ ಟೆಸ್ಟ್‌ ಪಂದ್ಯದಲ್ಲಿ ರೋಹಿತ್‌ ಶರ್ಮ ಡಿಕ್ಲೇರ್‌ ನಿರ್ಧಾರವನ್ನು ಬಹಳ ಬೇಗ ತೆಗೆದುಕೊಂಡರೇ? ಪಂದ್ಯಕ್ಕಿನ್ನೂ ಎರಡೂವರೆ ದಿನಗಳ ಕಾಲಾವಧಿ ಇರುವಾಗಲೇ ಈ ನಿರ್ಧಾರ ತೆಗೆದುಕೊಂಡದ್ದು ಅವಸರದ ಕ್ರಮವಾಗಲಿಲ್ಲವೇ? ಭಾರತದ ಬ್ಯಾಟರ್‌ಗಳ ಫಾರ್ಮನ್ನು ನೋಡಬಹುದಿತ್ತಲ್ಲವೇ…? ಇಂಥ ಅನೇಕ ಪ್ರಶ್ನೆಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ್ದವು. ಇದಕ್ಕೆ ರಿಷಭ್‌ ಪಂತ್‌ ಪ್ರತಿಕ್ರಿಯಿಸಿದ್ದಾರೆ. ನಾಯಕನ ನಿರ್ಧಾರ ಪೂರ್ವಯೋಜಿತ ಹಾಗೂ ಸೂಕ್ತವಾಗಿಯೇ ಇತ್ತು ಎಂದಿದ್ದಾರೆ.

“ನಾನು ಮತ್ತು ಶುಭಮನ್‌ ಗಿಲ್‌ ಭೋಜನಕ್ಕೆ ತೆರಳಿದಾಗ ನಾಯಕ ರೋಹಿತ್‌ ಶರ್ಮ ಡಿಕ್ಲೇರ್‌ ಬಗ್ಗೆ ತಿಳಿಸಿದರು. ಇನ್ನೂ ಒಂದು ಗಂಟೆ ಬ್ಯಾಟಿಂಗ್‌ ನಡೆಸಿ, ಬೇಗ ಬೇಗನೇ ರನ್‌ ಮಾಡಿ, ಬಳಿಕ ಡಿಕ್ಲೇರ್‌ ಮಾಡುತ್ತೇನೆ ಎಂದರು. ಹೀಗಾಗಿ ನಾನು ಲಂಚ್‌ ಬಳಿಕ ಬಿರುಸಿನ ಆಟಕ್ಕಿಳಿದೆ. ಯಾರಿಗೆ ಗೊತ್ತು… ನಾನು 150 ರನ್‌ ಮಾಡುತ್ತಿದ್ದೆನೋ ಏನೋ…’ ಎಂದು ರಿಷಭ್‌ ಪಂತ್‌ ಹೇಳಿದರು.