ವಿದ್ಯುತ್‌ ತಂತಿ ತಗುಲಿ ರೈತ ಸಾವು  

ಕಡೂರು: ತುಂಡಾಗಿ ಜೋತುಬಿದ್ದಿದ್ದ ವಿದ್ಯುತ್‌ ತಂತಿ ತಗುಲಿ ರೈತರೊಬ್ಬರು ಮೃತಪಟ್ಟ ಘಟನೆ ತಾಲೂಕಿನ ನಿಡಘಟ್ಟ ಗ್ರಾಮದಲ್ಲಿ ಬುಧವಾರ ಸಂಜೆ ನಡೆದಿದೆ. ಮೃತ ರೈತನನ್ನು ಚಂದ್ರಪ್ಪ (47) ಎಂದು ಗುರುತಿಸಲಾಗಿದೆ.

ಇವರು ಗ್ರಾಮದ ಮರುಳಪ್ಪ ಎಂಬುವವರ ಹೊಲದಲ್ಲಿ ಕೆಲಸ ಮಾಡಲು ನೇಗಿಲು ತೆಗೆದುಕೊಂಡು ಹೋಗುವಾಗ ಜೋತು ಬಿದ್ದಿದ್ದ ವಿದ್ಯುತ್‌ ತಂತಿ ನೇಗಿಲಿಗೆ ತಾಗಿ ಶಾಕ್‌ ಹೊಡೆದಿದೆ. ಪರಿಣಾಮ ಚಂದ್ರಪ್ಪ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಈ ಬಗ್ಗೆ ಸಖರಾಯಪಟ್ಟಣ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.